[X] Close
JUST IN
  • BREAKING-NEWS மூன்றாவது இருபது ஓவர் போட்டியில் வென்று தொடரைக் கைப்பற்றியது இந்திய அணி
  • BREAKING-NEWS குடியுரிமை சட்டத் திருத்த மசோதாவுக்கு எதிராக வடகிழக்கு மாநி‌லங்களில் வன்முறை
  • BREAKING-NEWS மாநிலங்களவையிலும் நிறைவேறியது குடியுரிமை சட்டத் திருத்த மசோதா
  • BREAKING-NEWS காஷ்மீர் சட்டப்பிரிவு நீக்கம், முத்தலாக் போலவே குடியுரிமை மசோதாவும் இஸ்லாமியர்களுக்கு எதிரானதல்ல - உள்துறை அமைச்சர் அமித்ஷா

லைசென்ஸ் சோதனைக்கு பெண்கள் ஜீன்ஸ் அணிந்து வரக்கூடாதா? - அதிகாரிகள் விளக்கம்

no-dress-code-but-take-safety-and-decency-into-account-says-rto-officals

சென்னை கேகே நகர் ஆர்டிஓ அலுவலகத்தில் பெண் ஒருவர் வாகன ஓட்டுநர் உரிமம் எடுக்க சென்றுள்ளார். அப்போது அவர் ஜீன்ஸ் பேன்ட் மற்றும் ஸ்லீவ்லஸ் டாப் உடை அணிந்து சென்றுள்ளார். ஓட்டுநர் உரிமத்திற்கான சோதனைக்கு சென்ற போது அப்பெண்ணை இந்த உடையுடன் சோதனையில் ஈடுபடக் கூடாது என்று ஆர்டிஓ அதிகாரி தடுத்துள்ளதாக தெரிகிறது. இதனைத் தொடர்ந்து அந்தப் பெண் மீண்டும் வீடு திரும்பி அந்தப் பெண் தனது உடையை மாற்றி வந்து ஓட்டுநர் உரிம சோதனையில் பங்கேற்று உள்ளார் எனக் கூறப்படுகிறது.

இது தொடர்பாக அந்தப் பெண் ‘டைம்ஸ் ஆஃப் இந்தியா’ நாளிதழக்கு பேட்டி அளித்துள்ளார். அதில், “நான் ஜீன்ஸ் மற்றும் டாப்ஸ் அணிந்து இருந்ததால் ஓட்டுநர் உரிமம் சோதனையில் பங்கேற்க ஆர்டிஓ அதிகாரி அனுமதிக்கவில்லை. எனவே நான் மீண்டும் வீட்டிற்கு சென்று சல்வார் கமீஸ் உடை அணிந்து வந்து ஓட்டுநர் உரிமம் சோதனையில் பங்கேற்றேன்” எனத் தெரிவித்துள்ளார்.

இந்நிலையில் இந்த விவகாரம் தொடர்பாக ஆர்டிஐ அதிகாரிகள் சிலர் விளக்கம் அளித்துள்ளனர். அதில், “ ஓட்டுநர் உரிமம் சோதனைக்கு எந்தவித உடை கட்டுபாடும் கிடையாது. ஓட்டுநர் உரிமம் எடுக்க வந்த எந்த பெண்ணும் திரும்பி அனுப்பப்படவில்லை. நாங்கள் சரியான உடை அணிந்து வாருங்கள் என்ற அறிவுறுத்தலையே அளித்தோம். அதுவும் வாகனம் ஓட்டுபவர்களின் பாதுகாப்பை கருத்தில் கொண்டே இந்த அறிவுறுத்தலும் அளிக்கப்பட்டது” எனத் தெரிவித்துள்ளனர். 

Advertisement:
இது தொடர்பான செய்திகள் :
Advertisement:
Advertisement:
[X] Close