[X] Close
JUST IN
  • BREAKING-NEWS இலங்கையில் 8வது அதிபரை தேர்வு செய்வதற்கான தேர்தலில் 81.52% வாக்குகள் பதிவாகியுள்ளன
  • BREAKING-NEWS ரிலையன்ஸ் கம்யூனிகேஷன் நிறுவனத்தின் இயக்குநர் பொறுப்பில் இருந்து அனில் அம்பானி ராஜினாமா செய்தார்
  • BREAKING-NEWS கேரளா: மண்டல பூஜைக்காக சபரிமலை ஐயப்பன் கோயிலில் நடை திறப்பு
  • BREAKING-NEWS இலங்கை அதிபர் தேர்தல் வாக்குப்பதிவு நிறைவு
  • BREAKING-NEWS இலங்கை அதிபர் தேர்தல் வாக்குப்பதிவு: 4 மணி நேரத்தில் 50 சதவிகிதத்திற்கும் மேல் வாக்குகள் பதிவானதாக தகவல்
  • BREAKING-NEWS கோவாவில் மிக் ரக பயிற்சி விமானம் விழுந்து நொறுங்கியது: விமானிகள் இருவரும் பாதுகாப்பாக தப்பினர்
  • BREAKING-NEWS கனமழை காரணமாக நெல்லை நடுவக்குறிச்சி குளக்கரையில் பல இடங்களில் உடைப்பு

3 நாட்களில் பருவமழை படிப்படியாக தீவிரமடையும் - வானிலை ஆய்வு மையம்

heavy-rains-may-chances-for-next-three-days-over-tamilnadu

தமிழகத்தில் அடுத்த 3 தினங்களில் வடகிழக்கு பருவமழை படிப்படியாக தீவிரமடையும் என சென்னை வானிலை ஆய்வு மையம் தெரிவித்துள்ளது.

தமிழகத்தில் பெரும்பாலான பகுதிகளில் பலத்த மழையுடன் வடகிழக்கு பருவமழை தொடங்கியது. குமரிக்கடல் மற்றும் தென்மேற்கு வங்கக்கடல் பகுதிகளில் நிலவும் வளிமண்டல மேலடுக்கு சுழற்சி காரணமாக தமிழகத்தில் பரவலாக மழை பெய்து வருகிறது. இந்த மழையானது அடுத்த மூன்று தினங்களுக்கு நீடிக்கும் என சென்னை வானிலை ஆய்வு மையம் தெரிவித்துள்ளது. 

நீலகிரி, கோவை உள்ளிட்ட மாவட்டங்களில் அதி கனமழையும் தென்தமிழக மாவ‌ட்டங்கள் மற்றும் நாகை, கடலூர் உள்ளிட்ட 16 மாவட்டங்களிலும் கன மழை பெய்யக்கூடும் எனவும் எச்சரித்துள்ளது. சென்னையிலும் நகர் பகுதிகளில் அடுத்த 3 தினங்களுக்கு மழை தொடரும் என வானிலை ஆய்வு மையம் கூறியுள்ளது.

தென்மேற்கு வங்கக் க‌டல் மற்றும் குமரிக்கடல் பகுதிகளில் காற்றழுத்த தாழ்வு நிலை நீடிப்பதால், அந்த கடற்பகுதிகளுக்கு மீனவர்கள் மீன்பிடிக்கச் செல்ல வேண்டாம் என அறிவுறுத்தப்பட்டுள்ளது. 

அதிகப்பட்சமாக குமரி மாவட்டம் குழித்துறையில் 14 சென்டி மீட்டர் மழையும், கோவை மாவட்டம் பெரியநாயக்கன்பாளையத்தில் 12 சென்டிமீட்டர் மழையும் லோயர் கோதையாறு மற்றும் கோவை மேட்டுப்பாளையத்தில் தலா 9 சென்டி மீட்டர் மழையும் பதிவாகியுள்ளது. 
 

Advertisement:
Advertisement:
Advertisement:
[X] Close