[X] Close
JUST IN
  • BREAKING-NEWS இந்தியாவிலேயே அதிக மருத்துவர்கள் கொண்ட மாநிலங்களில் தமிழகம் 2வது இடம்; மகாராஷ்டிரா முதல் இடம் - மத்திய அரசு
  • BREAKING-NEWS சிவசேனா, தேசியவாத காங்., காங்கிரஸ் இணைந்து மகாராஷ்டிராவில் ஆட்சியமைத்தாலும் நிலைக்காது - நிதின் கட்கரி
  • BREAKING-NEWS இடஒதுக்கீடு விவரங்கள் கொண்ட வெள்ளை அறிக்கையை நாடாளுமன்ற நடப்பு கூட்டத்தொடரில் பிரதமர் தாக்கல் செய்ய வேண்டும் - மு.க.ஸ்டாலின்
  • BREAKING-NEWS நெல்லையில் இருந்து பிரித்து தென்காசி மாவட்டத்தை உருவாக்கும் அரசாணையை ரத்து செய்யக்கோரிய மனு தள்ளுபடி - உயர்நீதிமன்ற கிளை
  • BREAKING-NEWS கோயில் நிலங்களில் 5 ஆண்டுகளுக்கு மேல் வசிப்போருக்கு பட்டா வழங்க தமிழக அரசுக்கு உயர்நீதிமன்றம் இடைக்காலத்தடை
  • BREAKING-NEWS தமிழகத்தின் 33-வது மாவட்டமாக உதயமானது தென்காசி
  • BREAKING-NEWS தமிழ்நாட்டில் விரைவில் உள்ளாட்சித் தேர்தல்: முதலமைச்சர் எடப்பாடி பழனிசாமி

சென்னையில் பசுவின் வயிற்றில் இருந்த 52 கிலோ பிளாஸ்டிக் கழிவுகள்!

tamil-nadu-veterinary-university-surgeons-remove-52-kg-of-plastic-from-cow-in-chennai

சென்னையில் பசுவின் வயிற்றில் இருந்து 52 கிலோ பிளாஸ்டிக் கழிவுகளை அறுவை சிகிச்சை மூலம் கால்நடை மருத்துவர்கள் அகற்றியுள்ளனர்.

சென்னை திருமுல்லைவாயிலைச் சேர்ந்த முனிரத்தினம் என்பவருக்குச் சொந்தமான பசு, சாணம் சிறுநீர் கழிக்க முடியாமல் அவதிப்பட்டுள்ளது. இதனையடுத்து பசுவை அருகில் இருந்த கால்நடை மருத்துவமனைக்கு முனிரத்தினம் கொண்டு சென்றுள்ளார். பசுவை பரிசோதித்த மருத்துவர்கள், வேப்பேரி கால்நடை மருத்துவக் கல்லூரிக்கு கொண்டு செல்லுமாறு அறிவுறுத்தியுள்ளனர். இதனையடுத்து பசுவை வேப்பேரிக்கு கொண்டு சென்றுள்ளார் முனிரத்தினம். அங்கு பசுவை ஸ்கேன் செய்த மருத்துவர்கள், அதன் வயிற்றில் கழிவுப்பொருட்கள் இருப்பதை கண்டுபிடித்துள்ளனர். 

இதனையடுத்து அறுவை சிகிச்சை செய்ய தீர்மானித்த மருத்துவர்கள், சுமார் ஐந்தரை மணிநேரம் அறுவை சிகிச்சையில் ஈடுபட்டனர். பின்னர் பசுவின் வயிற்றில் இருந்து  52 கிலோ பிளாஸ்டிக் கழிவுகளை அகற்றினர். சுமார் 2 ஆண்டுகளுக்கும் மேலாக பசுவின் இரைப்பையில் தொடர்ந்து பிளாஸ்டிக் கழிவுப்பொருட்கள் தங்கி இருந்ததாக மருத்துவர்கள் தெரிவித்துள்ளனர்.

வனங்கள் அழிப்பு, நீர் நிலைகள் ஆக்கிரமிப்பு, நில ஆக்கிரமிப்பு, நெகிழி பொருட்கள் பயன்பாடு, புவி வெப்பமயமாதல் உள்ளிட்ட காரணங்களால், மிகச்சிறிய தாவரங்கள் முதல் கடல் வாழ் உயிரினமான மிகப்பெரிய திமிங்கலம் வரை பேராபத்தை சந்தித்து வருகின்றன. மனிதர்கள் பயன்படுத்தும் பிளாஸ்டிக், நிலத்துக்கும், நீருக்கும், அனைத்து உயிரினங்களுக்குமே எதிரியாக உள்ளது.

 

அந்த பெரும் ஆபத்தான பிளாஸ்டிக்கை ஒழிக்க உலக நாடுகளும் பல்வேறு முயற்சிகளை எடுத்து வருகின்றனர். இந்நிலையில் சென்னையில் ஒரு மாட்டின் வயிற்றில் இருந்து 52 கிலோ பிளாஸ்டிக் கழிவுகள் அகற்றப்பட்ட சம்பவம் பெரும் அதிர்ச்சியை ஏற்படுத்தியுள்ளது. பசுவின் உணவு என்பது புல், மரத்தழைகள் தான். ஆனால் அந்த நிலை முற்றிலும் மாறி பசுவின் வயிற்றில் இருந்து பிளாஸ்டிக் கிலோ கணக்கில் அகற்றப்பட்டிருப்பது பேராபத்தின் தொடக்கமாகவே பார்க்கப்படுகிறது.
 

Advertisement:
இது தொடர்பான செய்திகள் :
Advertisement:
Advertisement:
[X] Close