[X] Close
JUST IN
  • BREAKING-NEWS கோவையில் இளம்பெண் விபத்தில் சிக்கிய இடத்தில் கொடிக்கம்பம் ஏதும் இல்லை - உயர்நீதிமன்றத்தில் தமிழக அரசு விளக்கம்
  • BREAKING-NEWS எஸ்பிஜி பாதுகாப்பை விலக்கிக் கொள்ளும் மசோதாவை தாக்கல் செய்ய மத்திய அமைச்சரவை ஒப்புதல்
  • BREAKING-NEWS இந்தியாவிலேயே அதிக மருத்துவர்கள் கொண்ட மாநிலங்களில் தமிழகம் 2வது இடம்; மகாராஷ்டிரா முதல் இடம் - மத்திய அரசு
  • BREAKING-NEWS சிவசேனா, தேசியவாத காங்., காங்கிரஸ் இணைந்து மகாராஷ்டிராவில் ஆட்சியமைத்தாலும் நிலைக்காது - நிதின் கட்கரி
  • BREAKING-NEWS இடஒதுக்கீடு விவரங்கள் கொண்ட வெள்ளை அறிக்கையை நாடாளுமன்ற நடப்பு கூட்டத்தொடரில் பிரதமர் தாக்கல் செய்ய வேண்டும் - மு.க.ஸ்டாலின்
  • BREAKING-NEWS நெல்லையில் இருந்து பிரித்து தென்காசி மாவட்டத்தை உருவாக்கும் அரசாணையை ரத்து செய்யக்கோரிய மனு தள்ளுபடி - உயர்நீதிமன்ற கிளை
  • BREAKING-NEWS கோயில் நிலங்களில் 5 ஆண்டுகளுக்கு மேல் வசிப்போருக்கு பட்டா வழங்க தமிழக அரசுக்கு உயர்நீதிமன்றம் இடைக்காலத்தடை

மனைவியை கொன்றுவிட்டு கணவர் தற்கொலை - கலங்கி நிற்கும் மூன்று மகன்கள்

husband-killed-wife-and-get-suicide-in-namakkal

நாமக்கல்லில் மனைவியை வெட்டிக்கொன்றுவிட்டு கணவர் தற்கொலை செய்துகொண்ட சம்பவம் சோகத்தை ஏற்படுத்தியுள்ளது.
 
நாமக்கல் மாவட்டம் கோடங்கிபாளையம் வடக்கு காடு கொட்டாய் பகுதியில் வசித்து வருபவர் சித்தன். இவரது மனைவி ஈஸ்வரி. இவர்களுக்கு மூன்று மகன்கள் ஒரு மகள் உள்ளனர். நான்கு வருடங்களுக்கு முன்பு மகள் இறந்து விட்டார். இதனால் மூன்று மகன்களுடன் வசித்து வந்தனர். சித்தன் மனைவியை காசு கேட்டு  அடித்ததாகவும், மனைவி மீது சந்தேகப் பட்டதாகவும் கூறப்படுகிறது. இதனால் இருவருக்கும் இடையே அடிக்கடி தகராறு நடந்துள்ளது. இந்நிலையில் கடந்த மூன்று தினங்களுக்கு முன்பு பணம் கேட்டு சித்தன் அடித்ததாகவும், பணம் தராததால் மனைவியை வீட்டில் சேர்க்கவில்லை என்றும் தெரிகிறது. இதனால் ஈஸ்வரி அருகில் உள்ள மாட்டு தொழுவத்தில் இருந்து வந்ததாக கூறப்படுகிறது. 

இதையடுத்து மகன்கள் சேர்ந்து ஈஸ்வரிக்கு தனியாக ஒரு கொட்டகை அமைத்து கொடுக்க ஏற்பாடு செய்ததாக கூறப்படுகிறது. இதனை அறிந்த சித்தமன், ஈஸ்வரியிடம் பிரச்னை செய்துள்ளார். அப்போது, இருவருக்கும் இடையே வாக்குவாதம் ஏற்பட்டுள்ளது. இதில் ஆத்திரமடைந்த சித்தன் மகன்கள் இருந்த வீட்டை வெளியே பூட்டிவிட்டு, தனது மனைவியை அரிவாளால் வெட்டியுள்ளார். தாயின் அலறல் சத்தம் கேட்ட மகன்கள் வீட்டில் இருந்து வெளியே வர முடியாமல் தவித்தனர். பின்னர் வீட்டின் மேற்கூரையை பிரித்து மகன்கள் வெளியே வந்தபோது, தாய் ரத்த வெள்ளத்தில் உயிரிழந்து கிடப்பதை கண்டு அதிர்ச்சியடைந்துள்ளனர். மகன்கள் வருவதற்கு முன்பே சித்தன் சோள காட்டுக்குள் சென்று மறைந்து விட்டதாக கூறப்படுகிறது. 

இதுதொடர்பாக போலீசாருக்கு தகவல் கொடுத்தனர். போலீஸார் சித்தனை தேடி பிடித்தபோது அவர் விஷம் அருந்தி தற்கொலை செய்து கொண்டிருப்பது தெரியவந்தது. இதனையடுத்து மல்லசமுத்திரம் காவல் துறையினர் உடல்களை பிரேத பரிசோதனைக்காக சேலம் அரசு மருத்துவமணைக்கு அனுப்பி வைத்தனர். மேலும், இந்த சம்பவம் குறித்து வழக்குப்பதிவு செய்து விசாரணை மேற்கொண்டு வருகின்றனர். மனைவியை அரிவாளால் வெட்டி விட்டு, கணவர் தற்கொலை செய்து கொண்ட இந்த சம்பவம் அப்பகுதியில் சோகத்தை ஏற்படுத்தியுள்ளது. தாயையும், தந்தையும் இழந்து மூன்று மகன்களும் தவித்து வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close