[X] Close
JUST IN
  • BREAKING-NEWS கோவையில் இளம்பெண் விபத்தில் சிக்கிய இடத்தில் கொடிக்கம்பம் ஏதும் இல்லை - உயர்நீதிமன்றத்தில் தமிழக அரசு விளக்கம்
  • BREAKING-NEWS எஸ்பிஜி பாதுகாப்பை விலக்கிக் கொள்ளும் மசோதாவை தாக்கல் செய்ய மத்திய அமைச்சரவை ஒப்புதல்
  • BREAKING-NEWS இந்தியாவிலேயே அதிக மருத்துவர்கள் கொண்ட மாநிலங்களில் தமிழகம் 2வது இடம்; மகாராஷ்டிரா முதல் இடம் - மத்திய அரசு
  • BREAKING-NEWS சிவசேனா, தேசியவாத காங்., காங்கிரஸ் இணைந்து மகாராஷ்டிராவில் ஆட்சியமைத்தாலும் நிலைக்காது - நிதின் கட்கரி
  • BREAKING-NEWS இடஒதுக்கீடு விவரங்கள் கொண்ட வெள்ளை அறிக்கையை நாடாளுமன்ற நடப்பு கூட்டத்தொடரில் பிரதமர் தாக்கல் செய்ய வேண்டும் - மு.க.ஸ்டாலின்
  • BREAKING-NEWS நெல்லையில் இருந்து பிரித்து தென்காசி மாவட்டத்தை உருவாக்கும் அரசாணையை ரத்து செய்யக்கோரிய மனு தள்ளுபடி - உயர்நீதிமன்ற கிளை
  • BREAKING-NEWS கோயில் நிலங்களில் 5 ஆண்டுகளுக்கு மேல் வசிப்போருக்கு பட்டா வழங்க தமிழக அரசுக்கு உயர்நீதிமன்றம் இடைக்காலத்தடை

‘நேற்று இன்ஜினியர்.. இன்று விவசாயி’ - சாதிக்க துடிக்கும் இளம் பெண்..!

engineer-girl-take-job-of-agriculture

இரண்டரை ஏக்கர் தரிசு நிலத்தை வளமான நிலமாக மாற்றும் பணியில் இறங்கியுள்ளார் பொறியியல் படித்த பட்டதாரி பெண் குறிஞ்சிமலர்.

தஞ்சாவூர் மாவட்டம் கல்லணை அருகே உள்ள பாதிரக்குடி கிராமத்தைச் சேர்ந்த சபாபதி- தேன்மொழி தம்பதியினரின் ஒரே மகள் குறிஞ்சிமலர். கடந்த 2018-ம் ஆண்டு இவர் பொறியியல் படிப்பை முடித்தார். சென்னைக்கு வேலைக்கு சென்ற குறிஞ்சிமலர், பணியில் திருப்தி இல்லாததால் சொந்த ஊரில் தனது உறவினர் ஒருவரின் தரிசு நிலத்தை வளமாக மாற்ற முடிவு செய்தார். 

குறிஞ்சிமலரின் ஆர்வத்தை பார்த்த உறவினரும் இரண்டரை ஏக்கர் இடத்தை வழங்கினர். தற்போது இரண்டரை ஏக்கர் நிலத்தில் 1,500 தேக்கு மரக்கன்றுகளை நட்டுள்ளார். அடுத்த ஆண்டு தேக்கு மரத்தில் மிளகு செடிகளை ஊடுபயிராக நடவு செய்யவும் திட்டமிட்டுள்ளார். 

இதுகுறித்து பேசிய குறிஞ்சி மலர் “நான் விவசாய வேலைகளை செய்யப் போகிறேன் என்றதும் எனது பெற்றோர்கள் ஒப்புக்கொள்ளவில்லை. பி.டெக் படிக்க 5 லட்சம் ரூபாய் வரை செலவழித்துள்ளோம். இனி திருமணம் செய்ய வேண்டுமென்றால் நல்ல வேலை வேண்டும் எனக் கூறி முட்டுக்கட்டை போட்டனர்.

ஆனாலும் நான் அவர்களிடம் விவசாயத்தில் சாதிப்போம் எனவும் பாதுகாப்பான தொழில், விவசாயம்தான் என எடுத்துக்கூறி அனுமதி பெற்றேன்.

 பின்னர் உறவினர் ஒருவரிடம் வீட்டின் அருகே உள்ள தரிசு நிலத்தை தாருங்கள் அதனை வளமாக மாற்றுகிறேன் என கூறினேன். என்னுடைய ஆர்வத்துக்கு அவர்களும் ஒத்துழைப்பு தந்தனர். இதையடுத்து புதுக்கோட்டை மாவட்டம் கொத்தமங்கலத்தை சேர்ந்த மரம் சண்முகசுந்தரம் என்பவரை அணுகி, விவசாயத்தில் ஈடுபட போகிறேன் என்றதும், அவர் முழுமையான ஆலோசனைகளை எனக்கு வழங்கினார்.
 

இதையடுத்து இரண்டரை ஏக்கர் தரிசு நிலத்தை உழுது, அதில் பட்டம் பிரித்து 1500 தேக்குமரக்கன்றுகள் கடந்த வாரம் நட்டுள்ளோம். இந்த தேக்குமரக்கன்றுகளில் ஓராண்டு கழித்து ஊடுபயிராக மிளகு செடியை வளர்த்து பணப்பயிராக மாற்ற உள்ளோம். வரும் காலங்களில் நர்சரி தொடங்கவும், இயற்கை விவசாயத்துக்கு தேவையான பஞ்சகாவ்யம் உள்ளிட்ட உரங்களை தயாரித்து நஞ்சில்லா விவசாயத்தை கொண்டு வர வேண்டும் என்பதே தனது லட்சியம்” என்று கூறினார்.

Advertisement:
இது தொடர்பான செய்திகள் :
Advertisement:
Advertisement:
[X] Close