[X] Close
JUST IN
  • BREAKING-NEWS மு.க.ஸ்டாலின் மிசா சட்டத்தின் கீழ் கைதாகவில்லை என நான் கூறவில்லை - அமைச்சர் மாஃபா பாண்டியராஜன்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமலானதை எதிர்க்கட்சிகள் அரசியலாக்குகின்றன - உள்துறை அமைச்சர் அமித்ஷா
  • BREAKING-NEWS சென்னை ஐஐடி மாணவி பாத்திமா லத்தீப் மரணம் குறித்து சிபிசிஐடி விசாரிக்க வேண்டும்; சாதி, மத ரீதியிலான பாரபட்சம் காட்டிய பேராசிரியர் மீது உரிய நடவடிக்கை எடுக்க வேண்டும் - ஜவாஹிருல்லா
  • BREAKING-NEWS தமிழ்நாடு கிரிக்கெட் சங்கம் ரூ.2,081 கோடி வாடகை பாக்கியை வசூல் செய்யாமல் ரூ.250 கோடியாக குறைக்க பேரம் நடப்பதாக தகவல் - ஸ்டாலின் ட்வீட்
  • BREAKING-NEWS டெல்லியில் காற்று மாசு காரணமாக மேலும் 2 நாட்களுக்கு பள்ளிகளை மூட வேண்டும் - டெல்லி அரசுக்கு மாநில மாசுக் கட்டுப்பாடு வாரியம் பரிந்து
  • BREAKING-NEWS உத்தர பிரதேசம்: காற்று மாசு காரணமாக கவுதம புத்தா நகர் மாவட்டத்தில் நவ.14, 15ஆம் தேதிகளில் அனைத்து பள்ளிகளுக்கும் விடுமுறை அறிவிப்பு

வீடு புகுந்து காதல் தம்பதி கொலை..! நள்ளிரவில் கொடூரம்..!

inter-caste-married-couple-murdered-suspiciously-in-namakkal

நாமக்கல்லில் அருகே காதல் தம்பதி கொடூரமாக கொலை செய்யப்பட்டுள்ள சம்பவம் பெரும் பரபரப்பை ஏற்படுத்தியுள்ளது.

நாமக்கல் மாவட்டம் மேட்டு தெருவைச் சேர்ந்தவர் விமல்ராஜ். இவரும் சேந்தமங்கலத்தை அடுத்த காமராஜர் நகரைச் சேர்ந்த அனிதாவும் காதலித்து திருமணம் செய்து கொண்டவர்கள். இருவரும் வெவ்வேறு சாதியைச் சேர்ந்தவர்கள் என்பதால், திருமணத்திற்கு முன்பு பிரச்னை இருந்ததாக கூறப்படுகிறது. எல்லாவற்றையும் எதிர்கொள்ளும் துணிச்சலோடு வாழ்க்கையை தொடங்கி இருக்கிறார்கள், விமல்ராஜும், அனிதாவும். அவர்களின் அன்புக்கு சாட்சியாக பிறந்த குழந்தையோடு, காமராஜர் நகரில் வசித்து வந்துள்ளனர்.

இந்நிலையில் நேற்று நள்ளிரவில் திடீரென வீட்டிற்குள் புகுந்த 6 பேர் கொண்ட கும்பல், தூங்கிக் கொண்டிருந்த தம்பதியை கருணையே இன்றி சரமாரியாக அரிவாளால் வெட்டியது. அலறல் சத்தம் கேட்டு அதிர்ந்துபோன அனிதாவின் தந்தை கருப்பசாமி, பதறியடித்துக் கொண்டு வீட்டிற்குள் ஓடிவந்தார். ஆவேசத்தில் இருந்த கொலையாளிகள், கருப்பசாமியையும் வெட்டிவிட்டு தப்பிச் சென்றனர். அனிதா சம்பவ இடத்திலேயே உயிரிழந்த நிலையில், படுகாயமடைந்த விமல்ராஜும், கருப்பசாமியும் மருத்துவமனையில் அனுமதிக்கப்பட்டனர். அங்கு சிகிச்சை பலனின்றி விமல்ராஜ் உயிரிழந்தார்.

முதற்கட்ட விசாரணையில், நிக்கல்சன் என்பவர் குறித்த தகவல் காவல்துறைக்கு கிடைத்திருக்கிறது. சேலத்தைச் சேர்ந்த நிக்கல்சனுக்கும், கொல்லப்பட்ட அனிதாவின் அண்ணன் அருணுக்கும் முன்விரோதம் இருந்ததாக தெரிகிறது. அதனால், அருணை கொல்ல அடியாட்களோடு வீட்டிற்குள் வந்த நிக்கல்சன், தூங்கிக் கொண்டிருந்த அனிதா, விமல்ராஜ் ஆகியோரை வெட்டிவிட்டு தப்பியதாக கூறப்படுகிறது.

ஆனால் காவல்துறைக்கு வேறொரு சந்தேகமும் எழுந்துள்ளது. அனிதா, வேறு சாதியைச் சேர்ந்தவரை காதல் திருமணம் செய்து கொண்டதற்கு பழிவாங்கவே, அவரின் சகோதரர் அருணே, கொலை செய்ய கூலிப்படையை ஏவி இருக்கலாம் என்றும் கூறப்படுகிறது. அதுகுறித்த தகவல்களைச் சேகரித்துவரும் காவல்துறையினர், பல கோணங்களில் விசாரணையை தீவிரப்படுத்தியுள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close