[X] Close
JUST IN
  • BREAKING-NEWS தென்பெண்ணையாற்றின் குறுக்கே கர்நாடகா அணை கட்டத் தடையில்லை என உச்சநீதிமன்றம் தீர்ப்பு
  • BREAKING-NEWS பிரதமர் மோடியை விமர்சித்ததாக ராகுல்காந்திக்கு எதிராக தொடரப்பட்ட வழக்கு முடித்து வைப்பு
  • BREAKING-NEWS ரஃபேல் கொள்முதலில் ஊழல் நடைபெறவில்லை என்ற தீர்ப்புக்கு எதிராக தாக்கல் செய்யப்பட்ட சீராய்வு மனு தள்ளுபடி
  • BREAKING-NEWS சபரிமலை வழக்கு 7 நீதிபதிகள் கொண்ட அமர்வுக்கு மாற்ற பரிந்துரை செய்தது உச்சநீதிமன்றம்
  • BREAKING-NEWS மு.க.ஸ்டாலின் மிசா சட்டத்தின் கீழ் கைதாகவில்லை என நான் கூறவில்லை - அமைச்சர் மாஃபா பாண்டியராஜன்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமலானதை எதிர்க்கட்சிகள் அரசியலாக்குகின்றன - உள்துறை அமைச்சர் அமித்ஷா
  • BREAKING-NEWS சென்னை ஐஐடி மாணவி பாத்திமா லத்தீப் மரணம் குறித்து சிபிசிஐடி விசாரிக்க வேண்டும்; சாதி, மத ரீதியிலான பாரபட்சம் காட்டிய பேராசிரியர் மீது உரிய நடவடிக்கை எடுக்க வேண்டும் - ஜவாஹிருல்லா

“பண்டிகைக்கு குடும்பமாக துணி எடுக்க போனால் இப்படி பண்றீங்களே..!” - காவலர்களால் புலம்பிய குடும்பம்

cuddalore-police-applied-fine-on-a-family-when-coming-with-their-kids-by-bike

சிதம்பரத்தில் இருசக்கர வாகன ஓட்டியிடம் காவல்துறையினர் நடந்துகொண்ட விதம் பொதுமக்களை முகம் சுளிக்க வைத்துள்ளது.

கடலூர் மாவட்டம் சிதம்பரம் கஞ்சித் தொட்டி முனையில் ஆய்வுப்பணியில் ஈடுபட்டிருந்த காவல் உதவி ஆய்வாளர் வேல்முருகன், காவலர் சார்லஸ் ஆகிய 2 பேரும் அவ்வழியே குடும்பத்துடன் இருசக்கர வாகனத்தில் வந்த ஒருவரை தடுத்து நிறுத்தினர். குழந்தைக்கு வயது என்ன? என கேட்க தொடங்கி, 2 சக்கர வாகனத்தில் 2 பேர் தான் வரவேண்டும், ஆனால் நீங்கள் 4 பேர் வந்துள்ளீர்கள் எனக் கூறி அபராதம் விதித்துள்ளனர்.

அதற்கு அந்த வாகன ஓட்டி, குழந்தைகளை வீட்டில் தனியாக விட்டுவிட்டு வரமுடியாது என்று பதிலளிக்கிறார். மேலும், தங்களை செல்ல அனுமதிக்கும்படி வாகன ஓட்டியின் மனைவியும் காவல்துறையினரிடம் கெஞ்சுகிறார்.

 

இதைப்பார்த்த தம்பதியின் குழந்தைகள் அழத் தொடங்கினர். அசல் ஆவணங்கள் கொடுத்தால் தான் உங்களை செல்ல அனுமதிப்போம் என காவல்துறையினர் கெடுபிடி காட்டுகிறார்கள். இந்தச்செயல் அவ்வழியே சென்ற பொதுமக்களுக்கு ஆத்திரத்தை மூட்டியது.

இருசக்கர வாகனத்தில் குழந்தைகளுடன் செல்வது பரவலாக நடைமுறையில் உள்ள நிலையில், அவ்வாறு சென்ற ஒரு தம்பதியை நடு ரோட்டில் நிறுத்தி வைத்து அடுக்கடுக்காக கேள்விகளை கேட்ட காவல்துறையினரின் செயல் சரிதானா ? என பொதுமக்கள் வினவுகின்றனர். இது ஹெல்மெட் அணிவது தொடர்பான நடவடிக்கைகளில் பாராட்டு பெற்று வரும் காவல்துறையினர் மீது அவநம்பிக்கை ஏற்படுத்துவதாகவும் பொதுமக்கள் குற்றம் சுமத்துகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close