[X] Close
JUST IN
  • BREAKING-NEWS நீட் தேர்வு ஆள்மாறாட்ட வழக்கில் சென்னை மருத்துவ மாணவரின் தந்தை சரவணனின் ஜாமீன் மனுவை தள்ளுபடி செய்தது உயர்நீதிமன்ற கிளை
  • BREAKING-NEWS மேயர் பதவிக்கான தேர்தலை மறைமுகமாக நடத்துவதற்கு அவசரச் சட்டம் கொண்டுவர தமிழக அமைச்சரவைக் கூட்டத்தில் முடிவு என தகவல்
  • BREAKING-NEWS உள்ளாட்சிகளில் உயர்த்தப்பட்ட சொத்துவரியை மறுபரிசீலனை செய்ய நிதித்துறை முதன்மை செயலாளர் தலைமையில் குழு அமைக்கப்பட்டுள்ளது - அமைச்சர் எஸ்.பி.வேலுமணி
  • BREAKING-NEWS சர்க்கரை ரேஷன் அட்டைகளை தகுதியின் அடிப்படையில் அரிசி ரேஷன் அட்டைகளாக மாற்றிக்கொள்ளலாம் - தமிழக அரசு
  • BREAKING-NEWS தூத்துக்குடி மக்களவை தேர்தல் வழக்கு: கனிமொழி தொடர்ந்த மனுவை தள்ளுபடி செய்தது சென்னை உயர்நீதிமன்றம்
  • BREAKING-NEWS ஒடிசாவில் நடிகர் கமல்ஹாசனுக்கு கவுரவ டாக்டர் பட்டம் வழங்கினார் முதல்வர் நவீன் பட்நாயக்
  • BREAKING-NEWS சென்னை ஐஐடி மாணவி பாத்திமா தற்கொலை தொடர்பாக விசாரணை நடத்த மத்திய குற்றப்பிரிவு காவல்துறையினர் கேரளா விரைகின்றனர்

விளையாட்டாக போடப்பட்ட சண்டை... மாணவன் பரிதாபமாக உயிரிழப்பு

fight-between-students-one-student-dead

(உயிரிழந்த மாணவர் திருமால்)

தேனியில் பள்ளி மாணவர்களுக்கு இடையே விளையாட்டாக போடப்பட்ட சண்டையில் ஒரு மாணவன் பரிதாபமாக உயிரிழந்தார்.

தேனி அருகே உள்ள அல்லி நகரத்தில் அரசு மேல்நிலைப் பள்ளி செயல்பட்டு வருகிறது. இங்கு மதிய உணவு இடைவேளையின் போது, 12 வகுப்பு மாணவன் திருமால் மற்றும் அவரது நண்பன் சக்திவேல் ஆகிய இருவரும் விளையாட்டாக சண்டை போட்டுள்ளனர். அப்போது, மாணவன் சக்திவேல் தாக்கியதில் எதிர்பாராதவிதமாக திருமால் மயக்கமடைந்தார்.

இதனையடுத்து உடனடியாக பள்ளி நிர்வாகத்தினர், மாணவனை அருகே உள்ள தனியார் மருத்துவமனைக்கு கொண்டு சென்றனர். தொடர்ந்து மேல் சிகிச்சைக்காக தேனி அரசு மருத்துவக்கல்லூரி மருத்துவமனைக்கு கொண்டு செல்லும்போது போகும் வழியிலேயே மாணவன் திருமாலின் உயிர் பிரிந்தது. இதனையடுத்து திருமாலின் உறவினர்கள் அல்லிநகரத்தில் சாலை மறியலில் ஈடுபட்டு காவல்துறையினரிடம் வாக்குவாதத்தில் ஈடுபட்டனர். சுமார் 2 மணி நேரத்துக்கு மேலாக சாலை மறியல் நடைபெற்ற நிலையில், மறியலில் ஈடுபட்டவர்களை காவல்துறையினர் அப்புறப்படுத்தினார்கள். மேலும் மாணவனை தாக்கி கொலை செய்த மாணவன் சக்திவேலை காவல் துறையினர் காவல் நிலையத்துக்கு அழைத்துச் சென்றனர்.

பள்ளியிலேயே மாணவன் உயிரிழந்த சம்பவம் தேனியில் மிகுந்த பரபரப்பை ஏற்படுத்தியது. இது தொடர்பாக அல்லிநகரம் காவல்துறையினர் வழக்குப்பதிவு செய்து விசாரணை நடத்தி வருகின்றனர். மாணவன் உயிரிழந்ததை அடுத்து பள்ளிக்கு இன்று விடுமுறை விடப்பட்டு நாளையும் விடுமுறை அறிவிக்கப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close