[X] Close
JUST IN
  • BREAKING-NEWS இலங்கையில் 8வது அதிபரை தேர்வு செய்வதற்கான தேர்தலில் 81.52% வாக்குகள் பதிவாகியுள்ளன
  • BREAKING-NEWS ரிலையன்ஸ் கம்யூனிகேஷன் நிறுவனத்தின் இயக்குநர் பொறுப்பில் இருந்து அனில் அம்பானி ராஜினாமா செய்தார்
  • BREAKING-NEWS கேரளா: மண்டல பூஜைக்காக சபரிமலை ஐயப்பன் கோயிலில் நடை திறப்பு
  • BREAKING-NEWS இலங்கை அதிபர் தேர்தல் வாக்குப்பதிவு நிறைவு
  • BREAKING-NEWS இலங்கை அதிபர் தேர்தல் வாக்குப்பதிவு: 4 மணி நேரத்தில் 50 சதவிகிதத்திற்கும் மேல் வாக்குகள் பதிவானதாக தகவல்
  • BREAKING-NEWS கோவாவில் மிக் ரக பயிற்சி விமானம் விழுந்து நொறுங்கியது: விமானிகள் இருவரும் பாதுகாப்பாக தப்பினர்
  • BREAKING-NEWS கனமழை காரணமாக நெல்லை நடுவக்குறிச்சி குளக்கரையில் பல இடங்களில் உடைப்பு

சாம்பார் சாதம், வத்தக்குழம்புடன் சீன அதிபருக்கு விருந்தோம்பல் !

tn-food-ready-for-china-president

தமிழ்நாட்டிற்கு வருகை தந்துள்ள சீன அதிபர் ஷி ஜின்பிங்கிற்கு வழங்கப்பட உள்ள உணவில் சீன உணவோடு இந்திய மற்றும் தென்னிந்திய பாரம்பரிய உணவுகளும் சேர்க்கப்பட்டுள்ளன.

கிண்டியில் உள்ள ஐ.டி.சி கிராண்ட் சோழா நட்சத்திர ஹோட்டலில் தங்கவுள்ள சீன அதிபருக்கு 28 வகையான உணவுகளை வழங்க ஏற்பாடு செய்யப்பட்டுள்ளது. மதிய உணவிற்கு வெங்காயம், இறைச்சியோடு சமைக்கப்பட்ட சாதம், முட்டைகோஸ், கேரட் கலந்து வறுத்த ஈரல், நூடுல்ஸ், காய்கறி சாலட், பயிறு வகைகள், சூப் வகைகள் வழங்கப்பட உள்ளன.

தமிழகத்திற்கு வந்துவிட்டு சீன உணவுகளை மட்டும் சாப்பிட்டுச் சென்றால் எப்படி? சாம்பார் சாதம், வத்தக்குழம்பு, ரசம், பிரியாணி, பிரிஞ்சி சாதம், பட்டர் நான், சப்பாத்தி, ரொட்டி, புலாவ், கேரட் சூப் ஆகிய இந்திய மற்றும் தென்னிந்திய உணவுகளும் சீன அதிபருக்கு பரிமாறப்பட உள்ளன. காலை உணவாக சோயா, சிக்கன் டிக்கா, நூடுல்ஸ் வகைகள், பொறித்த கறியுடன் கூடிய கலவை சோறு, குளிர்பானம், ஸ்வீட், கேக் ஆகிய சீன உணவுகளோடு இட்லி, சாம்பார், தோசை, சட்னி, வெண்பொங்கல், பூரி, இடியாப்பம், வடைகறி உள்ளிட்ட நம்முடைய பாரம்பரிய உணவு வகைகளும் பரிமாரப்பட உள்ளன.

இவ்வளவு உணவு வகைகளை வைத்தால் ஏற்கெனவே சாப்பிட்டு பழக்கமுள்ள நமக்கே குழம்பிவிடும் அல்லவா? அதற்காகத்தான் ஒவ்வொரு உணவு குறித்த விளக்கத்தையும் அளிக்க தனித்தனி வல்லுநர்கள் உணவிற்கு அருகிலேயே நிற்கவைக்கப்பட உள்ளனர். விருந்தோம்பலுக்கு பெயர்போன தமிழ்நாட்டிற்கு வருகை தரும் விருந்தினரை, உணவில் மட்டும் மலைக்கச் செய்யாமல் அனுப்பிவிடுவோமா என்ன?.. அதனால்தான் சீன அதிருபருக்கு 28 வகையான உணவு வகைகள் வழங்கப்பட உள்ளன.

Advertisement:
இது தொடர்பான செய்திகள் :
Advertisement:
Advertisement:
[X] Close