[X] Close
JUST IN
  • BREAKING-NEWS இனி வியாழக்கிழமை தோறும் டெங்கு ஒழிப்பு தினம் - சுகாதாரத்துறை
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது

சீன அதிபரின் மாமல்லபுர பயணத்திட்டங்கள் என்ன? - அதிகாரப்பூர்வ அறிவிப்பு 

chinese-president-xi-jinping-to-visit-india

சீன அதிபர் ஸி ஜின்பிங்கின் மாமல்லபுர பயணத் திட்டம் குறித்த தகவல்கள் அதிகாரப்பூர்வமாக வெளியிடப்பட்டுள்ளது. 

சீன அதிபர் ஸி ஜின்பிங் மற்றும் பிரதமர் நரேந்திர மோடியின் சந்திப்பையொட்டி சென்னை புதுப்பொலிவு பெற்றுள்ளது. மேலும் சந்திப்பு நடைபெறவுள்ள மாமல்லபுரம் முழுவதும் வண்ண விளக்குகளால் அலங்கரிக்கப்பட்டு விழாக்கோலம் பூண்டுள்ளது. 

இந்நிலையில் சீன அதிபரின் பயணத்திடம் குறித்த தகவல் அதிகாரப்பூர்வமாக வெளியிடப்பட்டுள்ளது. அதன்படி சீன அதிபர் ஸி ஜின்பிங் தனி விமான மூலம் நண்பகல் 1.30 மணிக்கு சென்னை விமான நிலையம் வந்தடைகிறார். அங்கு அவரை வரவேற்கும் விதமாக நடைபெறும் கலைநிகழ்ச்சிகளை சுமார் 15 நிமிடங்கள்‌‌ காண உ‌ள்ளார்‌. 1.45 மணிக்கு கிண்டியில் உள்ள ஐடிசி கி‌ராண்ட் சோழா நட்சத்திர விடுதிக்கு சாலைமார்க்கமாக செல்லும் அவர் 2.05 மணிக்கு அங்கு சென்றடைகிறார். 

மாலை 4 மணிக்கு கிண்டியிலிருந்து புறப்படும் சீன அதிபர் ஷி ஜின்பிங் 4.55 மணிக்கு மகாபலிபுரம் சென்றடைகிறார். சரியாக 5 மணிக்கு சீன அதிபரை பிரதமர் மோடி வரவேற்கிறார். பின்னர் 5 மணி முதல் 6 மணி வரை அங்குள்ள 3 புரதான சின்னங்களை இரு தலைவர்களும் இணைந்து பார்வையிடுகின்றனர். 

அடுத்ததாக 6 மணி முதல் 6.30 வரை பிரதமர் மோடி மற்றும் சீன அதிபர் இருவரும் கலைநிகழ்ச்சிகளை கண்டு ரசிக்க உள்ளனர். மாலை 6.45 மணி முதல் இரவு 8 மணி வரை பிரதமர் மோடி மற்றும் சீன அதிபர் ஆகிய பேச்சுவார்த்தையில் ஈடுபடுவதுடன் இரவு உணவையும் உட்கொள்கின்றனர். 

பின்னர், இரவு 8.05 மணிக்கு சீன அதிபர் ஷி ஜின்பிங் மகாபலிபுரத்தில் இருந்து புறப்படுகின்றனர். சீன அதிபர் இரவு 9 மணிக்கு கிண்டியிலுள்ள ஐடிசி கிராண்ட் சோழா விடுதிக்கு சென்றடைகிறார்.

சனிக்கிழமை காலை 9.05 மணிக்கு கிண்டி சோழா நட்சத்திர விடுதியிலிருந்து புறப்படும் சீன அதிபர் ஷி ஜின்பிங், 9.50 மணிக்கு பிரதமர் மோடி தங்கியுள்ள நட்சத்திர விடுதிக்கு சென்றடைகிறார். இதனையடுத்து 10 மணி முதல் 40 நிமிடங்கள் அதாவது 10.40 மணி வரை இருவரும் பேச்சுவார்த்தை நடத்துகின்றனர். 

பின்னர் 10.50 முதல் 11.40 வரை தாஜ் நட்சத்திர விடுதியில் தலைவர்கள் இருவரின் அதிகாரிகள் குழு பேச்சுவார்த்தை நடத்துகிறது. அடுத்ததாக 11.45 மணி முதல் 12.45 மணி வரை சீன அதிபருக்கு பிரதமர் மோடி மதிய விருந்து அளிக்கிறார். 

உடனே அங்கிருந்து புறப்படும் சீன அதிபர் சாலை மார்க்கமாக நண்பகல் 1.25 மணிக்கு சென்னை விமான நிலையம் வந்தடைகிறார். அங்கிருந்து சரியாக 1.30 மணிக்கு தமிழக பயணத்தை முடித்துக்கொண்டு சீன அதிபர் ஷி ஜின்பிங் புறப்படுகிறார்.

Advertisement:
Advertisement:
Advertisement:
[X] Close