[X] Close
JUST IN
  • BREAKING-NEWS இனி வியாழக்கிழமை தோறும் டெங்கு ஒழிப்பு தினம் - சுகாதாரத்துறை
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது

மலைப் பாம்புகள், மரப் பல்லிகள் கடத்தல் - சென்னையில் இருவர் கைது

pythons-and-monitor-lizards-hid-in-check-in-baggage-seized-at-chennai-airport

மலேசியாவிலிருந்து சென்னைக்கு வந்த பயணிகளின் பையிலிருந்து சுங்கத்துறை அதிகாரிகள் குட்டி மலைப்பாம்பு மற்றும் பல்லி ஆகியவற்றை கண்டுபிடித்துள்ளனர்.

மலேசிய தலைநகர் கோலாலம்பூரில் இருந்து பாடிக் ஏர்வேஸ் விமானம் நேற்று சென்னை வந்தது. இந்த விமானத்தில் எதோ ஒரு பொருள் கடத்தப்பட்டு வருகிறது என்ற தகவல் சுங்கத் துறைக்கு கிடைத்தது. இதனைத் தொடர்ந்து சுங்கத்துறை அதிகாரிகள் இந்த விமானத்தில் வந்த பயணிகளை தீவிரமாக கண்காணித்து உள்ளனர். இதில் சந்தேகத்திற்கு இடமான வகையில் இருந்ததை அதிகாரிகள் கண்டுபிடித்தனர். 

அவர்களிடம் நடத்திய விசாரணையில் அவர்கள் முன்னுக்குபின் முறனான தகவல்களை தெரிவித்தனர். இதனைத் தொடர்ந்து அவர்கள் வைத்திருந்த பையை அதிகாரிகள் சோதனை செய்தனர். அந்தப் பையிலிருந்து குட்டி மலைப்பாம்புகள் மற்றும் பல்லிகள் கண்டுபிடித்தனர். இதனை அவர்கள் உடைகளுக்கு நடுவில் மறைத்து வைத்திருந்தனர். 

இதனைத் தொடர்ந்து அவர்களிடம் நடத்திய விசாரணையில் அவர்களின் விவரம் தெரியவந்தது. அதன்படி ஒருவர் ராமநாதபுரத்தைச் சேர்ந்த முகமது பர்வேஸ் (36)  மற்றொருவர் சிவகங்கை மாவட்டத்தை சேர்ந்த முகமது அக்பர்(28) எனத் தெரியவந்தது. சுங்கத் துறை அதிகாரிகள் நடத்திய விசாரணையில், இவர்கள் இருவரும் மலேசிய விமான நிலையத்திற்கு வெளியே ஒருவர் தங்களிடம் இந்தப் பையை கொடுத்ததாகவும் இதனை சென்னை விமானநிலையத்தில் ஒருவர் வந்து வாங்கிக் கொள்வார் என்று தெரிவித்ததாகவும் கூறியுள்ளனர். 

எனினும் இவர்கள் கூறியதை போல் யாரும் அந்தப் பையை வாங்க வராததால் இவர்கள் இருவரையும் சுங்கத்துறை அதிகாரிகள் கைது செய்தனர். மேலும் இந்த விலங்குகளை பத்திரமாக மீட்டு மலேசியா நாட்டிற்கே திருப்பி அனுப்ப முயற்சி எடுத்து வருகின்றனர். 

Advertisement:
Advertisement:
Advertisement:
[X] Close