[X] Close
JUST IN
  • BREAKING-NEWS 2020ஆம் ஆண்டுக்கான தமிழக அரசின் பொதுவிடுமுறை நாட்கள் பட்டியல் வெளியீடு - ஆங்கிலப்புத்தாண்டு, பொங்கல், தீபாவளி என மொத்தம் 23 நாட்களுக்கு பொதுவிடுமுறை
  • BREAKING-NEWS திருவள்ளூர், காஞ்சிபுரம், வேலூர், தி.மலை, திண்டுக்கல், தேனி, நீலகிரி, கோவையில் மிக கனமழைக்கு வாய்ப்பு - இந்திய வானிலை மையம்
  • BREAKING-NEWS மேட்டூர் அணை வேகமாக நிரம்பி வருவதால் காவிரி கரையோர மக்களுக்கு வெள்ள அபாய எச்சரிக்கை
  • BREAKING-NEWS ஐஎன்எக்ஸ் மீடியா விவகாரம்: சிபிஐ வழக்கில் ப.சிதம்பரத்துக்கு ஜாமீன்
  • BREAKING-NEWS வங்கக் கடலில் உருவானது காற்றழுத்த தாழ்வுப்பகுதி: கனமழைக்கு வாய்ப்பு

‘மேகதாது அணை கட்ட தமிழகத்தின் கருத்து தேவையில்லை’ - கர்நாடகா

no-need-tn-opinion-for-build-mekedatu-dam-karnataka

மேகதாது அணை கட்ட தமிழ்நாட்டின் கருத்து தேவையில்லை என கர்நாடகா மீண்டும் தெரிவித்திருப்பது அதிர்ச்சியை ஏற்படுத்தியுள்ளது.

கர்நாடக அரசின் காவிரி நீர் நிர்வாக நிறுவனத்தின் சார்பில் மத்திய சுற்றுச்சூழல் அமைச்சகத்துக்கு கடிதம் அனுப்பப்பட்டுள்ளது. அதில், காவிரி ஆற்றின் குறுக்கே மேகதாதுவில் அணை கட்ட, காவிரி நீரால் பயனடையும் தமிழகத்திடம் கருத்து கேட்கத் தேவை எழவில்லை என்று அதில் கூறப்பட்டுள்ளது. மேகதாது அணை கட்டுவதால் குறைந்த அளவிலான பகுதிகளே நீரில் மூழ்கும் என்றும், தமிழ்நாட்டுக்கு மாதந்தோறும் நிர்ணயிக்கப்பட்ட அளவு நீரை வழங்கவும் மேகதாது அணை அவசியமாகிறது என்றும் கடிதத்தில் கூறப்பட்டுள்ளது.

மைசூர் மாகாணத்துக்கும் மெட்ராஸ் மாகாணத்துக்கு ஏற்பட்ட ஒப்பந்தப்படி, காவிரியில் புதிய அணை கட்ட இருமாநிலமும் ஒப்புதல் வழங்க வேண்டும். அந்த ஒப்பந்த அடிப்படையிலேயே 2007-ஆம் ஆண்டு வெளியான காவிரி நடுவர் மன்றத் தீர்ப்பும் அமைந்துள்ளது. இந்நிலையில், மேகதாதுவில் அணை கட்டப் போவதாக கர்நாடக அரசு தொடர்ந்து கூறி வருகிறது.

கடந்த ஜூலையில் நடந்த காவிரி மேலாண்மை ஆணையக் கூட்டத்தில் இது பற்றிய விவாதம் வந்தபோது, காவிரியில் மேகதாது அணை கட்ட தமிழக அரசு தரப்பில் கடும் எதிர்ப்பு தெரிவிக்கப்பட்டது. இதுதொடர்பாக உச்சநீதிமன்றத்தையும் தமிழக அரசு அணுகியுள்ள நிலையில், மேகதாது அணை கட்ட சுற்றுச்சூழல் அமைச்சகத்திடம் அனுமதி கேட்டு கர்நாடகா மீண்டும் கடிதம் எழுதியுள்ளது.

Advertisement:
Advertisement:
Advertisement:
[X] Close