[X] Close
JUST IN
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது
  • BREAKING-NEWS பொதுத்துறை ஊழியர்களுக்கு தீபாவளி போனஸ் 8.33%, கருணைத் தொகை 11.37% வழங்கப்படும் - தமிழக அரசு
  • BREAKING-NEWS ராஜீவ்காந்தி கொலை குறித்து சீமான் பேசியது தொடர்பாக மாவட்ட தேர்தல் அதிகாரியிடம் விரிவான அறிக்கை கேட்டுள்ளார் தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS நீட் ஆள்மாறாட்ட வழக்கில் மாணவர் இர்பானின் காவலை அக்டோபர் 25 வரை நீட்டித்தது தேனி நீதிமன்றம்

தனியார் விடுதியில் ஒருவர் தற்கொலை - காரணம் யார் என கடிதம்..!

a-man-suicide-in-vizhuppuram-lodge-wrote-a-letter-for-whose-are-reason-for-suicide

திண்டிவனத்தில் உள்ள தனியார் தங்கும் விடுதியில் ஒருவர் கடிதம் எழுதி வைத்துவிட்டு தற்கொலை செய்துகொண்டார்.

விழுப்புரம் மாவட்டம் திண்டிவனத்தில் தனியார் தங்கும் விடுதி அமைந்துள்ளது. இந்த விடுதியில் அறை எடுத்து தங்கியிருந்த செஞ்சியை அடுத்த கவரை கிராமத்தினை சேர்ந்த விஜயபாஸ்கர் (40) என்பவர் நீண்ட நேரமாக அறையில் இருந்து வெளியே வராததால், நேற்றிரவு விடுதி மேலாளர் பாலசுப்பிரமணி சந்தேகமடைந்துள்ளார். பின்னர் விஜயபாஸ்கர் தங்கியிருந்த அறையின் கதவைத் தட்டி அழைத்துள்ளார்.

வெகு நேரம் தட்டியும் கதவு திறக்கப்படவில்லை. இதையடுத்து விடுதியின் தொழிலாளி ஒருவர் விஜயபாஸ்கர் தங்கி இருந்த அறையின் சாவி துவாரத்தின் வழியாக பார்த்துள்ளார். அப்போது அவர் தூக்கில் தொங்கிய நிலையில் இருந்ததைக் கண்டு அதிர்ச்சியிடைந்துள்ளார். இதையடுத்து விடுதி மேலாளர் திண்டிவனம் காவல்நிலையத்தில் புகார் அளித்தார். சம்பவ இடத்திற்கு வந்து விஜயபாஸ்கரின் உடலைக் கைப்பற்றிய போலீசார் பிரேத பரிசோதனை செய்ய முண்டியம்பாக்கம் அரசு மருத்துவகல்லூரி மருத்துவமனைக்கு அனுப்பி வைத்தனர். 

விஜயபாஸ்கரின் உடைமைகளை பரிசோதித்து பார்த்தபோது, அவர் தற்கொலைக் காரணம் யார் என கடிதம் எழுதி வைத்துவிட்டு உயிரிழந்திருப்பது தெரியவந்துள்ளது. அந்தக் கடிதத்தில் 5 பேரின் பெயர்களை எழுதி வைத்துள்ள விஜயபாஸ்கர், அவர்கள் தன்னை ஒரு நாள் முழுவதும் அடித்ததாக குற்றம்சாட்டியுள்ளார். கடன் தொல்லை காரணமாக அவர் மன உளைச்சலில் இருந்தது முதற்கட்ட விசாரணையில் தெரியவந்துள்ளது. மேலும் போலீஸார் விசாரணை நடத்தி வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close