[X] Close
JUST IN
  • BREAKING-NEWS தென்னாப்ரிக்காவுக்கு எதிரான 3வது டெஸ்ட் கிரிக்கெட் போட்டியில் சதமடித்தார் ரோகித் ஷர்மா
  • BREAKING-NEWS காங்கிரஸ் அரசு முடக்கி வைத்திருந்த தேஜாஸ் போர் விமானம் பாதுகாப்பு படையில் சேவையாற்ற தயாராக உள்ளது - பிரதமர் மோடி
  • BREAKING-NEWS நாங்குநேரியில் பணப்பட்டுவாடா செய்ததாக இதுவரை 6 வழக்குகள் பதிவு செய்யப்பட்டுள்ளன - நெல்லை ஆட்சியர்
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்

புற்றுநோய் கட்டியை அகற்றி புதுக்கோட்டை அரசு மருத்துவக் கல்லூரி சாதனை

new-achievement-in-pudukkottai-govt-medical-college

பெண்ணின் இடுப்பு பகுதியில் இருந்த 4.5 கிலோ எடையுள்ள புற்றுநோய் கட்டியை அறுவைச் சிகிச்சை மூலம் அகற்றி புதுக்கோட்டை அரசு மருத்துவக் கல்லூரி மருத்துவமனை மருத்துவர்கள் சாதனை படைத்துள்ளனர்.

புதுக்கோட்டை மாவட்டம் பொன்னமராவதியைச் சேர்ந்த 55 வயது பெண்மணி தேவி. இவர் வயிறு வலி மற்றும் வயிறு வீக்கம் காரணமாக கடந்த மாதம் 28-ம் தேதி புதுக்கோட்டை அரசு மருத்துவக் கல்லூரி மருத்துவமனையில் அனுமதிக்கப்பட்டார். மருத்துவர்கள் அவரை பரிசோதித்ததில், இடுப்பு பகுதியில் கட்டி இருந்தது தெரியவந்தது. இதையடுத்து மகப்பேறு மருத்துவத் துறையின் தலைமை மருத்துவர் அமுதா, புற்றுநோய் அறுவை சிகிச்சை நிபுணர் பாரதிராஜா, ரத்தநாள அறுவை சிகிச்சை நிபுணர் முரளி ஆகியோர் அடங்கிய குழு செப்.9-ம் தேதி அவருக்கு அறுவைச் சிகிச்சை செய்து இடுப்பு பகுதியில் இருந்த 4.5 கிலோ எடையுள்ள கட்டியை அகற்றினர்.

சென்னை, கோவை உள்ளிட்ட பெரு நகரங்களில் உள்ள அரசு மருத்துவமனைகளில் மட்டுமே நடைபெறும் இது போன்ற சிகிச்சைகளை தற்போது புதுக்கோட்டையில் உள்ள அரசு மருத்துவக் கல்லூரி மருத்துவமனையில் மருத்துவர்கள் மேற்கொண்டு சாதனை படைத்துள்ளனர்.

இது குறித்து மருத்துவக் கல்லூரி முதல்வர் மீனாட்சிசுந்தரம் கூறுகையில்: “அப்பெண்ணின் இடுப்புப் பகுதியில் இருந்த கட்டியானது, ‘ரெட்ரோ பெரிடோனியல் டியூமர்’ எனும் புற்றுநோய் கட்டியாகும். இது நரம்பில் இருந்துவந்த புற்றுநோய் கட்டி என்று திசுப் பரிசோதனையில் தெரியவந்துள்ளது. தனியார் மருத்துவமனைகளில் ரூ.3 லட்சம் வரை செலவாகக்கூடிய இந்தச் சிகிச்சை இம்மருத்துவமனையின் காப்பீட்டு திட்டத்தின் கீழ் இலவசமாக செய்யப்பட்டுள்ளது. உயர்தர சிகிச்சைகளை செய்யக்  கூடிய வசதி புதுக்கோட்டை அரசு மருத்துவக் கல்லூரி மருத்துவமனையில் உள்ளது” என்றும் அவர் கூறினார்.

Advertisement:
இது தொடர்பான செய்திகள் :
Advertisement:
Advertisement:
[X] Close