[X] Close
JUST IN
  • BREAKING-NEWS இனி வியாழக்கிழமை தோறும் டெங்கு ஒழிப்பு தினம் - சுகாதாரத்துறை
  • BREAKING-NEWS மழையால் புதுக்கோட்டை மாவட்ட பள்ளிகளுக்கு இன்று விடுமுறை அறிவிப்பு
  • BREAKING-NEWS பாகிஸ்தானுக்கு இனி இந்திய தண்ணீர் கிடையாது: ஹரியானா தேர்தல் பரப்புரையில் பிரதமர் மோடி திட்டவட்டம்
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு
  • BREAKING-NEWS கீழடியில் 5-ம் கட்ட ஆய்வுக்காக தோண்டப்பட்ட 54 குழிகள் இன்று மூடப்படுகின்றன
  • BREAKING-NEWS டாக்டர் எம்.ஜி.ஆர் நிகர்நிலை பல்கலைக்கழகம் சார்பில் முதல்வர் பழனிசாமிக்கு அக்டோபர் 20ம் தேதி கௌரவ டாக்டர் பட்டம் வழங்கப்படுகிறது

நளினியின் பரோல் நீட்டிப்பு மனு தள்ளுபடி

nalini-s-parole-extension-petition-dismissed-by-mhc


நளினியின் பரோலை இரண்டாவது முறை நீட்டிக்க சென்னை உயர்நீதிமன்றம் மறுத்துள்ளது.

முன்னாள் பிரதமர் ராஜீவ்காந்தி கொலை வழக்கில் 28 ஆண்டுகளாக வேலூர் சிறையில் ஆயுள் தண்டனை அனுபவிக்கும் எழுவரில் ஒருவரான நளினி, தன் மகள் திருமண ஏற்பாடுகளுக்காக ஆறு மாத பரோல் கோரி பிப்ரவரி மாதம் தாக்கல் செய்த மனுவை நீதிபதிகள் எம்.எம்.சுந்தரேஷ், எம்.நிர்மல்குமார் விசாரித்தனர். கடந்த ஜூலை 5ஆம் தேதி இந்த வழக்கில் காவல்துறை பாதுகாப்புடன், வேலூர் சிறையிலிருந்து அழைத்துவரப்பட்ட நளினி தானே ஆஜராகி வாதிட்டார்.

பின்னர் அரசு விதிக்கும் நிபந்தனைகளை பின்பற்ற வேண்டுமென்ற அறிவுறுத்தலுடன் ஒரு மாத பரோல் வழங்கி உத்தரவிடப்பட்டதன் அடிப்படையில், ஜூலை 25 வேலூர் சிறையிலிருந்து நளினி பரோலில் வெளியில் வந்தார். ஏற்கெனவே நளினிக்கு 3 வாரம் பரோலை நீட்டித்து சென்னை உயர்நீதிமன்றம் உத்தரவிட்டது.

இந்நிலையில் இரண்டாவது முறையாக பரோலை நீட்டிக்க நளினி சென்னை உயர்நீதிமன்றத்தில் மனு தாக்கல் செய்திருந்தார். அந்த மனுவில் தனது மகளின் திருமண வேலைகள் இன்னும் முடியாதநிலை பரோலை நீட்டிக்க வேண்டும் எனக் கோரியிருந்தார். ஆகவே வரும் 15ஆம் தேதி முடியும் அவரது பரோலை அக்டோபர் மாதம் 15 வரை நீட்டிக்க கோரியிருந்தார். இந்த வழக்கை இன்று விசாரித்த நீதிபதிகள் ஏற்கெனவே 7 வாரங்கள் பரோல் அளித்திருந்தால் தற்போது மீண்டும் 4 வாரம் நீட்டிக்க முடியாது என்று கூறி மனுவை தள்ளுபடி செய்தனர். எனவே நளினியின் பரோல் வரும் 15ஆம் தேதி மாலை 6 மணிக்கு முடிய உள்ளது குறிப்பிடத்தக்கது.  

Advertisement:
இது தொடர்பான செய்திகள் :
Advertisement:
Advertisement:
[X] Close