[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

உள்ளூரில் நீரை சேமிக்க முடியாமல் இஸ்ரேல் செல்வதா ? - ஸ்டாலின் கேள்வி

mk-stalin-comment-about-cm-palanisamy-s-water-save-plans

உள்ளூரில் உள்ள நீரை சேமிக்க முடியாமல், நீர் சிக்கனம் பற்றி அறிய முதலமைச்சர் இஸ்ரேல் செல்வதாக கூறுவது வேதனையளிப்பதாக திமுக தலைவர் மு.க.ஸ்டாலின் தெரிவித்துள்ளார்.

இங்கிலாந்து, அமெரிக்கா, துபாய் ஆகிய நாடுகளுக்கு சுற்றுப்பயணம் சென்ற முதலமைச்சர் எடப்பாடி பழனிசாமி திங்கட்கிழமை காலை சென்னை திரும்பினார். அப்போது செய்தியாளர்களிடம் பேசிய முதல்வர், தன்னுடைய வெளிநாட்டு பயணம் மீண்டும் தொடரும் என கூறினார். தமிழ‌க ‌பாசனம் மேம்‌பாடு அடைய‌ இஸ்ரேலுக்கு செல்ல உள்ளதாக அப்போது தெரிவித்தார்.

முதல்வரின் இஸ்ரேல் பயணம் குறித்து ஸ்டாலின் வெளியிட்டுள்ள அறிக்கையில், கடலில் வீணாக கலக்கும் தண்ணீரைப் பற்றி முதல்வர் கவலைப்படாதது வேதனையளிக்கிறது எனக் கூறியுள்ளார். உலக சுற்றுலாவின் ஒரு பகுதியாக இஸ்ரேல் செல்கிறேன் என முதலமைச்சர் சொல்வது விநோதமாகவுள்ளது எனக் கூறியுள்ள ஸ்டாலின், நீர் மேலாண்மை குறித்து ஆளும் அரசுக்கு எவ்வித அக்கறையும் இல்லை என குற்றம்சாட்டியுள்ளார். 

மேலும், வருகிற தண்ணீரையும் பாதுகாக்க முடியாமல் வீணடிக்கும் புதுப்பணித் துறையாக பொதுப்பணித் துறை மாறியுள்ளது என அவர் விமர்சித்துள்ளார். தானும் ஒரு விவசாயி என்று மூச்சுக்கு முந்நூறு முறை சொல்லிக் கொண்டே இருக்கும் முதலமைச்சர், விவசாயிகளுக்கு சாதகமான எந்தவொரு திட்டத்தையும் செயல்படுத்தவில்லை என்று குற்றம்சாட்டியுள்ளார். ஜெயலலிதா அறிவித்த கொள்ளிடத்தில் தடுப்பணை கட்டும் திட்டத்தையாவது முதலமைச்சர் விரைந்து நிறைவேற்ற வேண்டும் என்றும் வலியுறுத்தினார்.

Advertisement:
இது தொடர்பான செய்திகள் :
Advertisement:
Advertisement:
[X] Close