[X] Close
JUST IN
  • BREAKING-NEWS அனைத்து அரசு துறைகளும் இணைந்து செயல்பட்டால் டெங்கு கொசு, காய்ச்சலை கட்டுப்படுத்தலாம் - உயர்நீதிமன்ற மதுரை கிளை கருத்து
  • BREAKING-NEWS ஈரோடு அருகே கோயிலில் சிலைகள் சேதப்படுத்தப்பட்டதில் 6 பேர் மீது வழக்குப்பதிவு
  • BREAKING-NEWS நவம்பர் 18-ஆம் தேதி தொடங்குகிறது குளிர்கால கூட்டத் தொடர்
  • BREAKING-NEWS தமிழகம் மற்றும் புதுவையில் அடுத்த 3 நாட்களுக்கு பலத்த மழை பெய்ய வாய்ப்பு
  • BREAKING-NEWS தொடர் மழை காரணமாக கன்னியாகுமரி மாவட்டத்தில் பள்ளி, கல்லூரிகளுக்கு விடுமுறை; சிவகங்கை மாவட்டத்தில் பள்ளிகளுக்கு மட்டும் விடுமுறை

“எதிர்கா‌லத்திலும் வெளிநாட்டுப் பய‌ணம் தொடரும்” - முதல்வர் பழனிசாமி 

chief-minister-edappadi-palanisamy-returned-to-chennai

வெளிநாடுகளில் சுற்றுப்பயணத்தை முடித்துக் கொண்டு முதல்வர் எடப்பாடி பழனிசாமி சென்னை திரும்பினார்.

இங்கிலாந்து, அமெரிக்கா ஆகிய நாடுகளுக்கு சுற்றுப்பயணம் சென்ற முதலமைச்சர் எடப்பாடி பழனிசாமி தன் பயணத்தின் இறுதிக் கட்டமாக நேற்று துபாய் சென்றார். அங்கு நடைபெற்ற முதலீட்டாளர்கள் கூட்டத்தில் தமிழகத்தில் தொழில் தொடங்குவது தொடர்பாக பல்வேறு நிறுவனங்களுடன் அதிகாரிகள் கையெழுத்திட்டனர். இதனையடுத்து தனது 13 நாள் சுற்றுப்பயணத்தை முடித்துக்கொண்டு முதலமைச்சர் எடப்பாடி பழனிசாமி இன்று அதிகாலை சென்னை திரும்பினார்.

விமான நிலையத்தில் தங்கமணி, திண்டுக்கல் சீனிவாசன்,‌ செங்கோட்டையன், ஜெயக்குமார்‌‌ உள்ளிட்‌ட அமைச்சர்களும், முன்னாள் மக்களவை சபாநாயகர் தம்பிதுரை, பொள்ளாச்சி ஜெயராமன் உள்ளிட்ட‌‌ கட்சி நிர்வாகிகளும்‌ முதல்வரை வரவேற்றனர். 

பின்னர் செய்தியாளர்களை சந்தித்த முதல்வர், 13 நாள்களில் மேற்கொண்ட சுற்றுப்பயணத்தின் வாயிலாக 41 நிறுவனங்களுடன் 8,835 கோடி ரூபாய் மதிப்பீட்டிலான புரிந்துணர்வு ஒப்பந்தங்கள் போடப்பட்டதாகத் தெரிவித்தார். இதன் மூலம் சுமார் 35 ஆயிரம் பேருக்கு வேலை வாய்ப்பு கிடைக்குமென முதல்வர் கூறினார். சேலத்தில் உலக தரம் வாய்ந்த கால்நடை பூங்கா அமைக்கப்படும் என்றும் முதல்வர் தெரிவித்தார். 

மேலும் பேசிய முதல்வர் பழனிசாமி, ''வெளிநாட்டவர்களை அவர்களின் உடையில் சென்று சந்தித்தால்தான் முதலீடுகளை ஈர்க்க முடியும் என்பதால் கோட் சூட் அணிந்தேன். அமெரிக்கா, இங்கிலாந்து, துபாய், போன்று தமிழகத்தை மேம்படுத்தவே சுற்றுப்பயணம் மேற்கொண்டேன். 

வெளிநாட்டில், சென்ற இடங்களில் எல்லாம் தமிழர்கள் தனக்கு சிறப்பான வரவேற்பு அளித்தனர். எதிர்கா‌லத்திலும் வெளிநாட்டுப் பய‌ணம் தொடரும்.தமிழ‌க ‌பாசனம் மேம்‌பாடு அடைய‌ இஸ்ரேலுக்கு செல்வேன்'' எனத் தெரிவித்தார்

Advertisement:
இது தொடர்பான செய்திகள் :
Advertisement:
Advertisement:
[X] Close