[X] Close
JUST IN
  • BREAKING-NEWS வெஸ்ட் இண்டீஸ் அணிக்கு எதிரான முதல் டி20 போட்டியில் இந்திய அணி 6 விக்கெட் வித்தியாசத்தில் அபார வெற்றி
  • BREAKING-NEWS போக்சோ சட்டத்தின் கீழ் தண்டனை பெறும் நபர்கள் கருணை மனு தாக்கல் செய்ய உரிமை அளிக்கக் கூடாது - குடியரசுத் தலைவர் ராம்நாத் கோவிந்த்
  • BREAKING-NEWS தெலங்கானா: 4 பேர் என்கவுன்ட்டர் செய்யப்பட்ட விவகாரத்தில் சட்டம் தன் கடமையை செய்துள்ளது - தெலங்கானா போலீஸ்
  • BREAKING-NEWS சிலை கடத்தல் தொடர்பான ஆவணங்களை தமிழக அரசிடம் பொன் மாணிக்கவேல் ஒப்படைக்க வேண்டும் - சென்னை உயர்நீதிமன்றம்
  • BREAKING-NEWS நித்யானந்தா எங்கு இருக்கிறார் என்பதை அறிவதில் சிரமம் இருக்கிறது - மத்திய வெளியுறவுத்துறை அமைச்சகம்
  • BREAKING-NEWS புதிதாக பிரிக்கப்பட்ட 9 மாவட்டங்கள் தவிர்த்து மற்ற மாவட்டங்களில் உள்ளாட்சித் தேர்தல் நடத்த உச்சநீதிமன்றம் அனுமதி
  • BREAKING-NEWS தெலங்கானா பெண் மருத்துவர் கொலை : 4 பேர் என்கவுன்டரில் சுட்டுக்கொலை

‘மேகாலயாவும் இந்தியாவின் ஒரு பகுதிதான்’- நீதிபதி தஹில் ராஜினாமா குறித்து சந்துரு கருத்து

high-court-of-meghalaya-is-in-no-way-inferior-to-madras-hc-says-former-judge-justice-k-chandru

உயர்நீதிமன்றத் தலைமை நீதிபதியை இடமாற்றம் செய்வதற்கு முன் மாநில அரசிடம் கருத்து கேட்பது அவசியம் என ஓய்வு பெற்ற நீதிபதி சந்துரு தெரிவித்துள்ளார்.

நீதிபதிகள் இடமாற்றம், நியமனம் குறித்து முடிவெடுக்கும் கொலிஜியம், மற்ற நீதிபதிகள் இடமாற்றத்துக்கு மத்திய, மாநில அரசுகளிடம் கருத்துக் கேட்க வேண்டியதில்லை என்றும் அவர் தெரிவித்துள்ளார். சென்னை உயர் நீதிமன்றத் தலைமை நீதிபதி தஹில் ரமாணி, மேகாலயா உயர் நீதிமன்றத் தலைமை நீதிபதியாக இடமாற்றம் செய்யப்பட்டார். ஆனால், இடமாற்றம் வேண்டாம் என்ற கோரிக்கை நிராகரிக்கப்பட்டதால், தனது பதவியை தஹில் ரமாணி ராஜினாமா செய்வதாக குடியரசுத் தலைவருக்கு கடிதம் அனுப்பி இருந்தார். 

இந்த விவகாரம் குறித்து ஓய்வு பெற்ற நீதிபதி சந்துரு, பொதுவாக நீதிபதிகள் இடமாற்றத்துக்கு மத்திய, மாநில அரசுகளிடம் கொலிஜியம் கருத்து கேட்பதில்லை என்றும், தலைமை நீதிபதி என்றால் மாநில அரசின் கருத்தைக் கேட்பது வழக்கம் என்றும் கூறினார். வடகிழக்கு மாநிலங்களில் புதிதாக அமைக்கப்படும் உயர் நீதிமன்றங்களில் அந்தந்த மாநில நீதிபதிகள் பணிமூப்பு இல்லாத காரணத்தால் தலைமை நீதிபதியாக நியமிக்கப்படுவதில் சிக்கல் உள்ளதாகவும், எனவே, மூத்த நீதிபதிகளை அங்கு அனுப்ப நேரிடுவதாகவும் சந்துரு தெரிவித்தார்.

தஹில் ரமாணி விவகாரம் குறித்து தி இந்து நாளிதழுக்கு பேசிய ஓய்வு பெற்ற நீதிபதி சந்துரு, ''இன்று, நாடு முழுவதும் 25 க்கும் மேற்பட்ட உயர்நீதிமன்றங்கள் இருக்கின்றன. வடகிழக்கு மாநிலங்களும் தனித்தனி நீதிமன்றங்களைக் கொண்டுள்ளன. அவை சிறியவை. கொள்கை ஏற்றுக்கொள்ளப்பட்டு ஒரு விதிமுறையாகிவிட்டால், “நான் ஒரு வடகிழக்கு மாநிலத்திற்கு செல்லமாட்டேன்” என்று யாரும் சொல்ல முடியாது. மேகாலயாவும் இந்தியாவின் ஒரு பகுதியாகும், அதுவும் ஒரு மாநிலம் தான். உங்கள் நிலை, ஊதியம், சம்பளம், சலுகைகள் மற்றும் எல்லாவற்றையும் ஒரே மாதிரியாகக் கொண்டிருப்பதால், மேகாலயாவுக்கு மாற்றப்படுவதை ஒருவர் ஏன் எதிர்க்க வேண்டும் என்று எனக்கு தெரியவில்லை'' என தெரிவித்துள்ளார்.
 

Advertisement:
இது தொடர்பான செய்திகள் :
Advertisement:
Advertisement:
[X] Close