[X] Close
JUST IN
  • BREAKING-NEWS மு.க.ஸ்டாலின் மிசா சட்டத்தின் கீழ் கைதாகவில்லை என நான் கூறவில்லை - அமைச்சர் மாஃபா பாண்டியராஜன்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமலானதை எதிர்க்கட்சிகள் அரசியலாக்குகின்றன - உள்துறை அமைச்சர் அமித்ஷா
  • BREAKING-NEWS சென்னை ஐஐடி மாணவி பாத்திமா லத்தீப் மரணம் குறித்து சிபிசிஐடி விசாரிக்க வேண்டும்; சாதி, மத ரீதியிலான பாரபட்சம் காட்டிய பேராசிரியர் மீது உரிய நடவடிக்கை எடுக்க வேண்டும் - ஜவாஹிருல்லா
  • BREAKING-NEWS தமிழ்நாடு கிரிக்கெட் சங்கம் ரூ.2,081 கோடி வாடகை பாக்கியை வசூல் செய்யாமல் ரூ.250 கோடியாக குறைக்க பேரம் நடப்பதாக தகவல் - ஸ்டாலின் ட்வீட்
  • BREAKING-NEWS டெல்லியில் காற்று மாசு காரணமாக மேலும் 2 நாட்களுக்கு பள்ளிகளை மூட வேண்டும் - டெல்லி அரசுக்கு மாநில மாசுக் கட்டுப்பாடு வாரியம் பரிந்து
  • BREAKING-NEWS உத்தர பிரதேசம்: காற்று மாசு காரணமாக கவுதம புத்தா நகர் மாவட்டத்தில் நவ.14, 15ஆம் தேதிகளில் அனைத்து பள்ளிகளுக்கும் விடுமுறை அறிவிப்பு

திடீரென உடைந்த ஊராட்சிகோட்டை மின் கதவணையின் ஷட்டர் - மின்சார உற்பத்தி நிறுத்தம் 

uratchikottai-barrage-shutter-breaches

ஈரோடு மாவட்டம் ஊராட்சிகோட்டை மின் கதவணையின் ஷட்டர் உடைந்ததால், மின்சார உற்பத்தி நிறுத்தம் செய்யப்பட்டுள்ளது. 

ஈரோடு மாவட்டம் பவானி அடுத்த ஊராட்சிகோட்டை மின் கதவணையில், 3வது ஷட்டரில் நேற்று திடீரென உடைப்பு ஏற்பட்டது. இதனால், அங்கு தேக்கி வைக்கப்பட்டிருந்த நீர் வெளியேறியது. ஷட்டர் உடைந்தது குறித்து, தகவலறிந்த வெண்டிபாளையம் மின் உற்பத்தி அலுவலர்கள் உடனடியாக நீர் வரத்தை கண்காணித்தனர். 

இதையடுத்து கதவணையில் இருந்த மேலும் சில ஷட்டர்களை திறந்து நீரை காவிரியாற்றில் வெளியேற்றினர். வழக்கமாக, வெண்டிபாளையம் காவிரியாற்றின் ஓரம், பரிசல்கள் மூலம் மீன் பிடித்தல் நடக்கும். ஆனால், நீர்வரத்து அளவு அதிகரித்ததால் பரிசல்கள் அனுமதிக்கப்படவில்லை. பொதுமக்கள் செல்லவும் தடை விதிக்கப்பட்டது. 

மேலும் மின்சார உற்பத்தியும் நிறுத்தப்பட்டது. சேதமடைந்த பகுதியில் இருந்து 30 மெகாவாட் மின்சாரம் உற்பத்தி செய்யப்பட்டு வந்தது.

பொதுப்பணித்துறை அதிகாரிகள் சேதமடைந்த பகுதியில் புதிய ஷட்டரை அமைக்கும் பணியில் ஈடுபட்டு வரும் நிலையில் தற்போது தற்காலிக  ஷட்டர் பொருத்தப்பட்டுள்ளது. ஷட்டர் பொறுத்தும் பணிகள் நிறைவடைந்தவுடன் மின்சார உற்பத்தி தொடங்கப்படும் என மின் உற்பத்தி அலுவலர்கள் தகவல் தெரிவித்துள்ளனர்.

Advertisement:
Advertisement:
Advertisement:
[X] Close