[X] Close
JUST IN
  • BREAKING-NEWS இரண்டாவது டி20 போட்டியில், 8 விக்கெட் வித்தியாசத்தில் இந்திய அணியை வீழ்த்தி வெஸ்ட் இண்டீஸ் அணி வெற்றி பெற்றது
  • BREAKING-NEWS தமிழகத்தில் வெங்காய விளைச்சல் நன்றாக உள்ளதால் 20 நாட்களில் விலை குறையும் - முதல்வர் பழனிசாமி
  • BREAKING-NEWS உள்ளாட்சித் தேர்தல் தொடர்பாக நீதிமன்றத்தை நாட திமுக மாவட்ட செயலாளர்கள் கூட்டத்தில் தீர்மானம்
  • BREAKING-NEWS உள்ளாட்சித் தேர்தலில் மக்கள் நீதி மய்யம் போட்டியிடவில்லை - கமல்ஹாசன்
  • BREAKING-NEWS தமிழகத்தில் மேலும் 4 மருத்துவக் கல்லூரிகள் அமைக்க அனுமதி கோரி மத்திய அரசுக்கு தமிழக அரசு கடிதம் - அமைச்சர் விஜயபாஸ்கர்
  • BREAKING-NEWS உள்ளாட்சித் தேர்தலில் யாருக்கும் ரஜினி ஆதரவில்லை- ரஜினி மக்கள் மன்றம் அறிக்கை
  • BREAKING-NEWS கடலோர மாவட்டங்களில் இன்று மிதமான மழைக்கு வாய்ப்பு: வானிலை ஆய்வு மையம் தகவல்

ரயில் தண்டவாளத்தில் சரிந்து விழுந்த மரம்... ஒன்றுசேர்ந்து அப்புறப்படுத்திய இளைஞர்கள்..!

youth-dispossessed-tree-from-railway-track

திருத்தணியில் மழையால் தண்டவாளத்தில் சரிந்த மரத்தினை, இளைஞர்கள் ஒன்று சேர்ந்து அப்புறப்படுத்தி ரயில் சேவையை சீர் செய்தனர்.

திருவள்ளூர் மாவட்டம், திருத்தணி நகரம் மற்றும் அதனை சுற்றியுள்ள கிராமங்களில் கடந்த சில நாட்களாக பகல் நேரத்தில் வெயில் கொளுத்தியும் மாலை மற்றும் இரவு நேரத்தில் அவ்வப்போது சிறிது நேரம் பலத்த மழை பெய்தும் வருகிறது. இந்நிலையில் இன்று காலை வழக்கம்போல் வெயில் கொளுத்தியது. மாலை, 3:30 மணிக்கு திடீரென வானத்தில் கருமேகங்கள் தோன்றி ஒரு மணி நேரம் பலத்த மழை பெய்தது.

காற்றுடன் பெய்த பலத்த மழையால் திருத்தணி ம.பொ.சி.சாலை, அரக்கோணம் சாலை உள்பட பல்வேறு தெருக்களில் மழைநீருடன் கழிவுநீர் கலந்து ஆறாக ஓடியது. திடீரென ஒரு மணி நேரத்திற்கும் மேலாக பெய்த மழையால், பள்ளி மாணவர்கள் மழையில் நனைந்தவாறு வீட்டிற்கு சென்றனர்.

காற்று அடித்ததால் பழைய தர்மராஜா கோயில் எதிரே செல்லும் ரயில் தண்டவாளத்தின் அருகே இருந்த ஆலமரத்தின் ஒரு பகுதி உடைந்து ரயில் பாதையில் விழுந்தது. இதனால் அரக்கோணம்- திருத்தணி ரயில் நிலையம் இடையே ரயில் போக்குவரத்து 20 நிமிடம் பாதிக்கப்பட்டது. மேலும் பெங்களூருவில் இருந்து யஸ்வந்பூர் செல்லும் விரைவு ரயில் நடுவழியில் நின்றது. இதனைக் கண்ட அங்கிருந்த இளைஞர்கள் கொட்டும் மழையைப் பொருட்படுத்தாமல் தண்டவாளத்தில் இருந்த மரக்கிளைகளை கைகளால் உடைத்து அகற்றிய பின் விரைவு ரயில் புறப்பட்டு சென்றது. 

Advertisement:
Advertisement:
Advertisement:
[X] Close