[X] Close
JUST IN
  • BREAKING-NEWS கவுரவ டாக்டர் பட்டம் பெற்றார் முதலமைச்சர் பழனிசாமி
  • BREAKING-NEWS நாங்குநேரி இடைத்தேர்தல் பணப்பட்டுவாடா விவகாரம்: திமுக எம்எல்ஏ சரவணகுமார் மீது மேலும் ஒரு வழக்குப்பதிவு
  • BREAKING-NEWS தொடர் மழை: ஓராண்டுக்குப் பிறகு 100 அடியை எட்டியது பவானி சாகர் அணை
  • BREAKING-NEWS தமிழகத்தில் மேலும் நான்கு நாட்களுக்கு மழை நீடிக்கும் என வானிலை மையம் தகவல்
  • BREAKING-NEWS புரோ‌ கபடி லீக் தொடரில் பெங்கால் ‌வாரியர்ஸ் அணி ‌முதல் முறையாக சாம்பியன்‌. இறுதிப்போட்டியில் தபாங் டெல்லியை வீழ்த்தியது.

டிக்கெட் வாங்குவதில் போலீஸ்காரருடன் வாக்குவாதம் - நடத்துநர் உயிரிழப்பு 

heart-attack-for-cuddalore-conductor-arguing-with-the-police

கடலூர் அருகே டிக்கெட் எடுக்காத காவலருடன் ஏற்பட்ட வாக்குவாதத்தில் நடத்துநர் ஒருவர் மாரடைப்பால் உயிரிழந்துள்ளார்.

திருச்சியிலிருந்து கடலூர் செல்லும் அரசுப் பேருந்து ஒன்றில் திட்டக்குடி காவல் நிலையத்தில் காவலராக பணியாற்றும் பழனிவேல் என்பவர் சீருடை அணியாமல் ஏறியுள்ளார். அப்போது நடத்துனர் கோபிநாத், பழனிவேலிடம் பயணச்சீட்டு வாங்குமாறு தெரிவித்துள்ளார். அதற்கு காவலர் என பதிலளித்த பழனிவேல் அடையாள அட்டையை காண்பிக்க மறுத்துள்ளார். 

இதனால் நடத்துநருக்கும் காவலருக்கும் இடையே வாக்குவாதம் ஏற்பட்டது. சுமார் 10 கிலோ மீட்டர் நீண்ட இந்த வாக்குவாதத்தையடுத்து பயணிகளும் காவலருக்கு எதிராக குரல் கொடுத்தனர். 

வாக்குவாதம் கடுமையாக முற்றிய நிலையில் நடத்துனர் கோபிநாத் திடீரென பேருந்திலேயே மயங்கி விழுந்ததாக தெரிகிறது. இதைப்பார்த்த பயணிகள் அவரை அருகில் இருந்த மருத்துவமனைக்கு பேருந்தில் வைத்து கொண்டு சென்றனர். ஆனால் அவர் ஏற்கனவே உயிரிழந்ததாக மருத்துவர்கள் தெரிவித்தனர். 

இதையடுத்து தகவலறிந்து அங்கு சென்ற போலீசார், பேருந்தில் பயணம் செய்த பயணிகளால் பிடித்துவைக்கப்பட்டிருந்த காவலர் பழனிவேலை மீட்டு, காவல் நிலையத்திற்கு அழைத்துச் சென்று விசாரணை மேற்கொண்டு வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close