[X] Close
JUST IN
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.
  • BREAKING-NEWS திருச்சி லலிதா ஜூவல்லரி நகைக் கொள்ளை வழக்கில் மேலும் 6 கிலோ நகை சிக்கியது
  • BREAKING-NEWS அயோத்தியில் டிசம்பர் 10-ஆம் தேதி வரை 144 தடை உத்தரவு

திமுக ஆட்சி காலத்திலேயே கைது செய்யப்பட்ட ப.சிதம்பரம்!

p-chithambaram-first-arrest-by-dmk-period

ஐஎன்எக்ஸ் மீடியா வழக்கில் ப. சிதம்பரம் கைது செய்யப்பட்டுள்ள நிலையில் ஏற்கனவே ஒருமுறை கைதாகி சிறையில் இருந்திருக்கிறார். தமிழகத்தில்தான் இந்த கைது நடந்தது.

கடந்த 1989ஆம் ஆண்டு தமிழகத்தில் திமுக ஆட்சியில் இருந்தபோது, சென்னையை அடுத்த மறைமலைநகர் ரயில் நிலையத்துக்கு காமராஜர் பெயரைச் சூட்ட வேண்டும் என வலியுறுத்தி காங்கிரஸ் கட்சியினர் ரயில் மறியல் போராட்டம் நடத்தினர். வாழப்பாடி ராமமூர்த்தி தலைமையில் இந்தப் போராட்டம் நடைபெற்றது. பல்வேறு பகுதிகளிலும் போராட்டம் நடைபெற்ற நிலையில் சென்னை சென்ட்ரல் ரயில் நிலையத்தில் இதே கோரிக்கையை முன்வைத்து ஜி.கே.மூப்பனார், ப.சிதம்பரம், கராத்தே தியாகராஜன் உள்ளிட்டோரும் போராட்டம் நடத்தினர். 

இவர்கள் அனைவரும் கைது செய்யப்பட்டனர். இதுதான் ப.சிதம்பரத்தின் முதல் கைது. இந்த சம்பவம் நிகழ்ந்தது சனிக்கிழமை என்பதால் உடனடியாக பிணை பெறாத நிலையில், சிறைக்கு கொண்டு செல்லப்பட்டார். கைதானவர்களை விடுவிக்கக் கோரி சென்னை உயர்நீதிமன்றத்தில் சிதம்பரம் தரப்பில் மனுத் தாக்கல் செய்யப்பட்டது. ஞாயிறன்று மதியம் நீதிபதி வீட்டில் விசாரணை நடத்தப்பட்டு ப.சிதம்பரம் உள்ளிட்டோர் விடுவிக்கப்பட்டனர். முதல் கைதின்போது சுமார் 15 மணி நேரம் சிதம்பரம் சிறையில் இருந்தார். இது நடைபெற்று 30 ஆண்டுகளுக்கு பிறகு ப.சிதம்பரம் இரண்டாவது முறையா‌க கைது செய்யப்பட்டுள்ளார்.

Advertisement:
Advertisement:
Advertisement:
[X] Close