[X] Close
JUST IN
  • BREAKING-NEWS சென்னையில் கடந்த சில நாட்களாக அதிகரித்து காணப்பட்ட காற்று மாசு குறைந்துள்ளது
  • BREAKING-NEWS ஜம்மு-காஷ்மீர்: கந்தர்பால் அருகே கண்ட்டில் நடந்த துப்பாக்கிச்சண்டையில் ஒரு பயங்கரவாதி சுட்டுக்கொலை
  • BREAKING-NEWS சென்னையில் பிரபல வணிக வளாகத்தின் கழிவுநீர்த் தொட்டியை சுத்தம் செய்த போது விஷவாயு தாக்கி இளைஞர் உயிரிழப்பு
  • BREAKING-NEWS ஓமலூரில் உள்ள அதிமுக அலுவலகத்தில் கட்சி நிர்வாகிகளுடன் உள்ளாட்சித் தேர்தல் குறித்து முதல்வர் பழனிசாமி ஆலோசனை
  • BREAKING-NEWS சிவசேனாவின் அரவிந்த் சாவந்த் தனது மத்திய அமைச்சர் பதவியை ராஜினாமா செய்ததையொட்டி, அவரது கனரக தொழில், பொதுத்துறை நிறுவனங்கள் துறை பிரகாஷ் ஜவடேகருக்கு கூடுதல் பொறுப்புப்பாக அளிக்கப்பட்டுள்ளது
  • BREAKING-NEWS தமிழகத்தில் வரும் 14ஆம் தேதிமுதல் 16ஆம் தேதிவரை 3 நாட்களுக்கு கனமழை பெய்ய வாய்ப்பு
  • BREAKING-NEWS அயோத்தியில் ராமர் கோயில்: அறக்கட்டளை அமைக்கும் பணி தொடக்கம்

ரூ.100-க்காக நண்பன் கொலை - போதையில் வெறிச்செயல்

friend-killed-for-rs-100

100 ரூபாய் பணத்துக்காக நண்பனை கல்லால் அடித்துக் கொலை செய்த நபர் கைது செய்யப்பட்டுள்ளார். மதுபோதையில் ஏற்பட்ட மோதல் ஒருவரின் உயிரைப் பறித்ததோடு, மற்றொருவரின் எதிர்காலத்தையும் சிதைத்துவிட்டது.

விழுப்புரம் மாவட்டம் மேல்மலையனூரைச் சேர்ந்தவர், முருகேசன். இவர் திருஷ்டி கழிப்பதற்காக பயன்படுத்தப்படும் கருடன் கிழங்கு விற்பனை செய்து வந்தார். கிழங்கு எடுக்கச் சென்ற இடத்தில், தனசேகர் என்பவர் முருகேசனுக்கு அறிமுகமானார். பின்னர் சேர்ந்தே கருடன் கிழங்கு விற்பனை செய்து, பங்கு பிரித்துக் கொண்டனர். வியாபாரம் முடிந்தபின், ஒன்றாக சேர்ந்து மது அருந்துவது இருவரின் வழக்கம்.

அதேபோல் திங்கட்கிழமை ஒன்றாக மது அருந்திய இருவரும், கிழங்கு விற்ற பணத்தை பகிர்ந்து கொண்டனர். அப்போது, ஏற்கனவே முருகேசன் தர வேண்டிய 100 ரூபாயை சேர்த்து கொடுக்குமாறு தனசேகர் கூறியுள்ளார். அதற்கு முருகேசன் மறுப்பு தெரிவித்ததால் இருவருக்கும் இடையே வாக்குவாதம் ஏற்பட்டது. அதுவரை நண்பர்களாக இருந்த இருவரும், மதுபோதையால் எதிரிகளைப் போல் சண்டையிட்டுக் கொண்டனர். அப்போது தனசேகர், கற்களைக் கொண்டு முருகேசனை தாக்கத் தொடங்கினார். அதில் பலத்த காயம் அடைந்த முருகேசன் சம்பவ இடத்திலேயே உயிரிழந்தார். 

தகவலறிந்து சென்ற காவல்துறையினர் போதையில் இருந்த தனசேகரை கைது செய்தனர். சமீப காலமாக அற்ப காரணங்களுக்காக நடந்து வரும் கொலை சம்பவங்கள், சமூகத்தின் மனநிலையை கேள்விக்குள்ளாக்கி இருக்கிறது.

Advertisement:
இது தொடர்பான செய்திகள் :
Advertisement:
Advertisement:
[X] Close