[X] Close
JUST IN
  • BREAKING-NEWS நாங்குநேரி, விக்கிரவாண்டி ஆகிய தொகுதிகளுக்கான இடைத்தேர்தலில் மக்கள் நீதி மய்யம் போட்டியிடாது - கமல்ஹாசன்
  • BREAKING-NEWS இந்தியா-தென் ஆப்ரிக்கா அணிகள் இடையேயான கடைசி மற்றும் மூன்றாவது டி20 போட்டி இன்று நடைபெறுகிறது
  • BREAKING-NEWS ரஷ்யாவில் நடைபெற்ற உலக குத்துச்சண்டை சாம்பியன்ஷிப் போட்டியில் இந்திய வீரர் அமித் பங்கால் வெள்ளிப் பதக்கம்
  • BREAKING-NEWS தமிழகத்தில் 14 மாவட்டங்களில் இன்று கனமழைக்கு வாய்ப்பு - வானிலை மையம்
  • BREAKING-NEWS விக்ரம் லேண்டரை தொடர்பு கொள்ள முடியவில்லை -இஸ்ரோ தலைவர் சிவன்
  • BREAKING-NEWS நாங்குநேரி, விக்கிரவாண்டி தொகுதிகளுக்கு அக்.21இல் இடைத்தேர்தல்

இன்று முதல் அமலுக்கு வந்தது ஆவின் பாலின் புதிய விலை

the-price-hike-announced-by-the-government-of-tamil-nadu-has-come-into-effect-from-today

தமிழக அரசு அறிவித்துள்ள ஆவின் விலை உயர்வு இன்று முதல் அமலுக்கு வந்துள்ளது. லிட்டருக்கு 6 ரூபாய் உயர்த்தப்பட்டுள்ள நிலையில், ஆவின் பால் வகைகளின் விலை நிலவரம் குறித்து பார்க்கலாம்.

இதுவரை 1 லிட்டர் பசும்பால் 28 ரூபாய்க்கு கொள்முதல் செய்யப்பட்டு வந்த நிலையில் தற்போது 32 ரூபாயாக உயர்த்தப்பட்டுள்ளது. எருமைப்பால் கொள்முதல் விலை 35 ரூபாயில் இருந்து 41 ரூபாயாக விலை உயர்த்தி நிர்ணயம் செய்யப்பட்டுள்ளது. பசும்பால் கொள்முதல் 4 ரூபாயும், எருமைப்பால் கொள்முதல் விலை 6 ரூபாயும் உயர்த்தப்பட்டுள்ளது.

சில்லறை விற்பனையிலும் ஆவின் பாலின் விலை உயர்த்தி அறிவிக்கப்பட்டுள்ளது. நீல நிற வகை ஆவின் பால் அட்டைதாரர்களுக்கு அரை லிட்டர் 17 ரூபாய்க்கு விற்கப்பட்டு வந்த நிலையில் தற்போது 3 ரூபாய் விலை அதிக‌ரித்து 20 ரூபா‌ய்க்கு விற்கப்படுகிறது. அதே போல் நீல நிற வகை ஆவின் பாலின் அதிக பட்ச விற்பனை விலை 18 ரூபாய் 50 காசில் இருந்து 21 ரூபாய் 50 காசாக உயர்த்தப்பட்டுள்ளது. அதே போல் 1 லிட்டர் 6 ரூபாய் விலை உயர்த்தப்பட்டுள்ளது.

பச்சை நிற வகை ஆவின் பால் அரை லிட்டரின் விலை அட்டைதாரர்களுக்கு 19 ரூபாய் 50 காசில் இருந்து ‌22 ரூபாய் 50 காசாக உயர்த்தப்பட்டுள்ளது. அதிகபட்ச விற்பனை விலை 20 ரூபாய் 50 காசில் இருந்து 23 ரூபாய் 50 காசாக உயர்த்தி நிர்ணயிக்கப்பட்டுள்ளது.

ஆவின் ஆரஞ்சு நிற வகை பாலின் அரை லிட்டர் விலை, அட்டைதாரர்களுக்கு 21 ரூபாய் 50 காசில் இருந்து 24 ரூபாய் 50 காசாக உயர்த்தப்பட்டுள்ளது. அதிகபட்ச விற்பனை விலை 22 ரூபாய் 50 காசில் இருந்து 25 ரூபாய் 50 காசாக உயர்த்தப்பட்டுள்ளது.

ஆவின் மெஜந்தா ‌நிற வகை பாலின் அரை லிட்டர் விலை அட்டைதாரர்களுக்கு 16 ரூபாய் 50 காசில் இருந்து 19 ரூபாய் 50 காசாக உயர்த்தப்பட்டுள்ளது. அதிகபட்ச விற்பனை விலை 17 ரூபாயில் இருந்து 20 ரூபாயாக அதிகரிக்கப்பட்டுள்ளது.

அனைத்து பால் வகைகளும் அட்டைதாரர்களுக்கும், அதிகபட்ச விற்பனைக்கும் அரை லிட்டருக்கு 3 ரூபாயும், ஒரு லிட்டருக்கு 6 ரூபாயும் விலை உயர்த்தி நிர்ணயம் செய்யப்பட்டுள்ளது.

Advertisement:
Advertisement:
Advertisement:
[X] Close