[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

செம்மரம் கடத்த முயற்சி : ஆந்திராவில் 9 தமிழர்கள் கைது

red-sandals-smuggling-attempt-9-tamils-arrested-in-andhra

ஆந்திர வனப்பகுதியில் இருந்து செம்மரம் கடத்த முயன்ற தமிழகத்தைச் சேர்ந்த 9 பேரை காவல்துறையினர் கைது செய்துள்ளனர்.

ஆந்திர மாநிலம், கடப்பா மாவட்டம், ராஜம்பேட்டை வனப்பகுதியில் செம்மரக்கடத்தல் தடுப்பு பிரிவு போலீசார் ரோந்து பணியில் ஈடுபட்டு இருந்தனர். அப்போது ரோல்லமடுகு வனத்தையொட்டிய பகுதியில் சோதனை மேற்கொண்டபோது கடத்தல்காரர்கள் செம்மரங்களை வெட்டி வனத்தையொட்டிய பகுதியில் பதுக்கி வைக்கப்பட்டிருந்தது தெரியவந்தது. இதனைத் தொடர்ந்து அப்பகுதியில் மேலும் தேடுதல் பணியை தீவிரப்படுத்தினர். 

அப்போது வனப்பகுதியில் இருந்து 20க்கும் மேற்பட்ட கடத்தல்காரர்கள் செம்மரங்களை வெட்டி கொண்டிருந்தது தெரியவந்தது. இதைத்தொடர்ந்து அவர்களை காவல்துறையினர் சுற்றி வளைத்து பிடிக்க முயற்சி செய்தபோது தப்பியோடினர். தப்பியோடியவர்களை விரட்டி சென்ற காவல்துறையினர் 9 பேரை கைது செய்தனர். கைது செய்யப்பட்டவர்கள் திருவண்ணாமலை மற்றும் வேலூர் மாவட்டத்தை சேர்ந்தவர்கள் என்பது குறிப்பிடத்தக்கது. அவர்களிடமிருந்து 50 லட்ச ரூபாய் மதிப்புள்ள 108 செம்மரக்கட்டைகள் பறிமுதல் செய்யப்பட்டது. வனப்பகுதியில் தப்பியோடியவர்களை தேடும் பணியில் செம்மரக்கடத்தல் தடுப்புப் பிரிவு போலீசார் ஈடுபட்டு வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close