[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

வாட்டி வதைத்த வறுமை.. தாயின் சடலத்தை குப்பையில் வீசிய மகன் 

a-priest-threw-his-mother-s-body-into-the-garbage-bin

தூத்துக்குடியில் இறந்த தன் தாயின் உடலை அடக்கம் செய்ய பணமில்லாமல் பூசாரி ஒருவர் உடலை குப்பைத் தொட்டியில் வீசிய சம்பவம் சோகத்தை ஏற்படுத்தியுள்ளது.

தூத்துக்குடி தனசேகரன் நகர் பகுதியில் பிரதான சாலையில், குப்பை தொட்டி ஒன்றில் பெண் ஒருவரின் சடலம் இருப்பதாக சிப்காட் காவல் நிலையத்திற்கு தகவல் கிடைத்தது. இதையடுத்து அங்கு சென்ற காவல்துறையினர் அந்த உடலை மீட்டனர். இறந்தவர், அதே பகுதியைச் சேர்ந்த ‌55 வயதான வசந்தி என்பது விசாரணையில் தெரியவந்தது. 

இதையடுத்து வசந்தியின் மகன் முத்து லட்சுமணனை பிடித்து காவல்துறையினர் விசாரணை நடத்தினர். அப்போது கடந்த 4 ஆண்டுகளாக தாய் வசந்தி உடல்நிலை சரியில்லாமல்‌ இருந்ததாகவும் அவருக்கு ஒரு லட்சம் ரூபாய் வரை கடன் வாங்கி செலவு செய்தும் பலனின்றி இறந்துவிட்டதாகவும் முத்துலட்சுமணன் தெரிவித்தார். 

தாயின் உடலை அடக்கம் செய்ய பணம் இல்லாததால் போர்வையில் சுற்றி குப்பைத்தொட்டியில் வீசியதாக முத்து லட்மணன் தெரிவித்துள்ளார். வசந்தியின் உடல் பிரேத பரிசோதனைக்காக தூத்துக்குடி அரசு மருத்துவமனைக்கு அனுப்பி வைக்கப்பட்டது. அதில், வசந்தி இயற்கையாக இறந்தது தெரியவந்ததையடுத்து மகனிடம் தாயின் உடல் ஒப்படைக்கப்பட்டது. 

போதிய வருவாய் இல்லாமல், தந்தையை காப்பகத்திற்கு அனுப்பிவைத்த முத்துலட்சுமணன், தாயின் உடலை அடக்கம் செய்ய பணமில்லாமல்,‌ குப்பைத்தொட்டியில் வீசிச்சென்ற சம்பவம் அப்பகுதியில் சோகத்தை ஏற்படுத்தியுள்ளது.

Advertisement:
Advertisement:
Advertisement:
[X] Close