[X] Close
JUST IN
  • BREAKING-NEWS மத்திய முன்னாள் நிதி அமைச்சர் அருண் ஜெட்லி உடல் நலக்குறைவால் காலமானார்
  • BREAKING-NEWS சிபிஐ விசாரணைக் காவலை ரத்துச் செய்யுமாறு உச்ச நீதிமன்றத்தில் ப.சிதம்பரம் மனு. திங்கட்கிழமை வரை சிதம்பரத்தை கைது செய்ய அமலாக்கத் துறைக்கு தடை
  • BREAKING-NEWS கோவையில் 6 பயங்கரவாதிகள் ஊடுருவியுள்ளதாக தகவல் கிடைத்திருக்கிறது என காவல் ஆணையர் பேட்டி. உஷார் நிலையில் காவல்துறை
  • BREAKING-NEWS சென்னையில் பெட்ரோல் லிட்டருக்கு ரூ. 74.70 காசுகளாகவும், டீசல் லிட்டருக்கு ரூ. 68.84 காசுகளாகவும் விலை நிர்ணயம்

கிடுகிடுவென உயர்கிறது மேட்டூர் அணை நீர்மட்டம்..!

mettur-dam-water-level-increased

கர்நாடக அணைகளில் இருந்து காவிரி ஆற்றில் திறந்துவிடப்படும் நீரின் அளவு அதிகரித்துள்ள நிலையில், மேட்டூர் அணையின் நீர்மட்டம் 80 அடியை எட்டியுள்ளது. தொடர்ந்து நீர்வரத்து அதிகரித்துள்ள நிலையில், அணை விரைவில் முழு கொள்ளவை எட்டுகிறது.

கர்நாடக நீர்பிடிப்பு பகுதிகளில் கொட்டித் தீர்த்த தென்மேற்கு பருவமழை காரணமாக, அம்மாநிலத்தில் உள்ள அணைகள் நிரம்பி வருகின்றன. இந்நிலையில், கேரளாவின் வயநாடு உள்ளிட்ட பகுதிகளில் மழையின் அளவு குறைந்ததால், கர்நாடகாவின் கபினி அணைக்கான நீர்வரத்து கணிசமாக குறைந்து வருகிறது. இதனால் அணையில் இருந்து திறக்கப்பட்ட நீரின் அளவு, ஒரு லட்சம் கன அடியிலிருந்து 50 ஆயிரம் கன அடியாக குறைக்கப்பட்டுள்ளது.

அதேநேரத்தில் ஹேமாவதி, ஹேரங்கி அணைகள் நிரம்பியுள்ளன. அந்த அணைகளில் இருந்து திறக்கப்படும் ஒரு லட்சத்து 87 ஆயிரம் கன அடி நீர், நீர் கிருஷ்ணராஜ சாகர் அணைக்கு வருகிறது. கிருஷ்ண சாகர் அணை தற்போது 123 அடியை எட்டியுள்ள நிலையில், பாதுகாப்பு கருதி விநாடிக்கு ஒரு லட்சத்து 70 ஆயிரம் கன அடி நீர் காவிரியில் திறந்துவிடப்பட்டுள்ளது.

மொத்தமாக காவிரி ஆற்றில் 2 லட்சத்து 20 ஆயிரம் கன அடி நீர் வரும் நிலையில், மேட்டூர் அணை வேகமாக நிரம்பி வருகிறது. 80 அடியை எட்டியுள்ள அணையின் நீர்மட்டம் ஒரிரு நாளில் 100 அடியை எட்டும் எனத் தெரிகிறது. காவிரி ஆற்றில் இதே அளவு நீர் வரும்பட்சத்தில், விரைவில் மேட்டூர் அணை அதன் முழு கொள்ளவான 120 அடியை விரைவில் எட்டும் என பொதுப்பணித்துறை அதிகாரிகள் தெரிவித்துள்ளனர்.

Advertisement:
Advertisement:
Advertisement:
[X] Close