[X] Close
JUST IN
  • BREAKING-NEWS வளிமண்டல மேலடுக்கு சுழற்சியால் தமிழகத்தில் 3 நாட்களுக்கு மழை நீடிக்கும் - வானிலை ஆய்வு மையம்
  • BREAKING-NEWS சென்னை ராயப்பேட்டை ஒய்.எம்.சி.ஏ மைதானத்தில் அக்டோபர் 6ஆம் தேதி திமுக பொதுக்குழு கூட்டம்
  • BREAKING-NEWS நீட் ஆள் மாறாட்ட புகாரில் தொடர்புடைய மாணவர் உதித் சூர்யாவை தேடி தேனியிலிருந்து தனிப்படை காவல்துறையினர் 5பேர் சென்னை வருகை
  • BREAKING-NEWS தாய்மொழிக்கு பதிலாக இந்தியை கற்க வேண்டும் என கூறவில்லை - மத்திய உள்துறை அமைச்சர் அமித் ஷா
  • BREAKING-NEWS இந்தி திணிப்புக்கு எதிராக நாளை திமுக நடத்தவிருந்த போராட்டம் ஒத்திவைப்பு. ஆளுநரின் உறுதிமொழியை ஏற்று முடிவு எடுக்கப்பட்டதாக ஸ்டாலின் அறிவிப்பு

கடலூர் மற்றும் ராமேஸ்வர பகுதிகளில் கடல் சீற்றம் - மீனவர்கள் பாதிப்பு

waves-outraged-in-tamil-nadu

வங்கக்கடலில் ஏற்பட்டுள்ள காற்றழுத்தத் தாழ்வு மண்டலம் காரணமாக, தமிழக பகுதியில் கடல்சீற்றத்துடன் காணப்படுவதால், கடலூர், ராமேஸ்வர மீனவர்கள் மீன்பிடிக்கச் செல்லவில்லை.

ராமநாதபுரம் மாவட்டத்தில் கடந்த 5 நாள்களாக மன்னார் வளைகுடா கடல் பகுதி சீற்றத்துடன் காணப்படுகிறது. 5வது நாளாக நாட்டுப்படகு, விசைப்படகு மீனவர்கள் மீன் பிடிக்கச் செல்லவில்லை. பாம்பன் துறைமுகத்தில் 2 ஆம் நாளாக தொலைதூர புயல் எச்சரிக்கை கூண்டு ஏற்றப்பட்டுள்ளது.

அதிகாலை முதலே தனுஷ்கோடி, அரிச்சல்முனையில் பலத்த காற்று வீசி வருவதால், சுற்றுலாப் பயணிகள் கடும் சிரமமடைந்தனர். தொடர்ந்து வீசும் காற்றால் சாலைகளை மணல் மூடி வருகிறது. கடல் நீரில் இறங்கவும், குளிக்கவும் காவல்துறை தடை விதித்துள்ளது.

கடலூர் துறைமுகத்தில் நேற்று ஏற்றப்பட்ட முதலாம் எண் புயல் எச்சரிக்கைக் கூண்டு, இன்றும் தொடர்கிறது. காற்றின் வேகம் அதிகமாக இருப்பதால் கரையிலிருந்து 8 கடல் மைல் தூரத்தில் மீனவர்கள் மீன் பிடித்து வருகின்றனர். நாகை மாவட்டம் வேதாரண்யம் பகுதியில் மீன்வளத் துறை எச்சரிக்கை காரணமாக, 5ஆவது நாளாக மீனவர்கள் மீன்பிடிக்கச் செல்லவில்லை.

Advertisement:
Advertisement:
Advertisement:
[X] Close