[X] Close
JUST IN
  • BREAKING-NEWS பிரதமர் மோடி சீன அதிபர் ஜின்பிங் சந்திக்கவுள்ள மாமல்லபுரத்தில் சீன அதிகாரிகள் ஆய்வு
  • BREAKING-NEWS அடுத்த 3 நாட்களுக்கு தமிழகத்தில் மழை நீடிக்க வாய்ப்பு. 14 மாவட்டங்களில் கனமழை பெய்யக்கூடும் - ‌வானிலை மையம்
  • BREAKING-NEWS நீட் ஆள்மாறாட்டம் விவகாரத்தில் தேடப்பட்டு வரும் மாணவர் உதித் சூர்யா முன்ஜாமீன் மனு
  • BREAKING-NEWS சென்னை உயர்நீதிமன்ற தலைமை நீதிபதி தஹில் ரமானியின் ராஜினாமா ஏற்பு. பொறுப்பு தலைமை நீதிபதியாக வினீத் கோத்தாரி நியமனம்.
  • BREAKING-NEWS 7 நாள் பயணமாக அமெரிக்காவுக்கு புறப்பட்டுச் சென்றார் பிரதமர் மோடி

“என்னைப் பார்த்து ஒபிஎஸ் சிரித்ததால் முதல்வர் பதவி பறிபோனது” - ஸ்டாலின் 

stalin-speech-about-jayalalitha

ஜெயலலிதாவிடம் அரசியல் ரீதியான கருத்து வேறுபாடுகள் இருந்தாலும் அவர் தைரியமானவர் என திமுக தலைவர் ஸ்டாலின் தெரிவித்துள்ளார். 

வேலூர் நாடளுமன்றத்தொகுதியில் இன்று நடைபெற்ற இறுதிக்கட்டப் பரப்புரையில் திமுக தலைவர் ஸ்டாலின் அக்கட்சியின் வேட்பாளர் கதிர் ஆனந்தை ஆதரித்து உரையாற்றினார். அப்போது பேசிய அவர், “வெற்றி என்பது உறுதியாக்கப்பட்டிருக்கிறது. அதில் இம்மியளவும் சந்தேகம் கிடையாது. ஆனால் எவ்வளவு லட்சம் வாக்கு வித்தியாசத்தில் வெற்றி பெறப்போகிறோம் என்ற கேள்வியோடு களத்தில் நிற்கிறோம். 

திமுக வெற்றி பெறுவதை தடுக்கும் நோக்கில் செயல்படுத்தப்பட்டதுதான் அந்த ரெய்டு எனும் சதி. கருணாநிதியின் நிழலாக இருந்தவர் துரைமுருகன். ஒபிஎஸ் மகன் நாடாளுமன்றத்தில் ஜால்ரா தட்டுகிறார். ஒபிஎஸ் மீது மரியாதை வைத்துள்ளேன். அவர் என்னைப்பார்த்து அடிக்கடி சிரிப்பார். அதனாலேயே அவருக்கு முதலமைச்சர் பதவி பறிபோனது. 

ஆம்பூரில் பேசிய போது அப்துல்கலாம் ஒரு கசாப்புகடைக்காரர் என்று கருணாநிதி சொல்லியதாக ஒபிஎஸ் கூறியிருக்கிறார். அப்துல்கலாம் முதல் முறை ஜனாதிபதியாக போட்டியிடக்கூடிய சூழல் வந்தபோது அதை ஆதரித்து முதலில் குரல் கொடுத்தவர் கருணாநிதி. அப்படி இருக்க கருணாநிதி பேசியதாக நீங்கள் கூறிய வார்த்தையை நிரூபிக்க தயாரா? அவ்வாறு நிரூபித்தால் எந்தத் தண்டனையை பெற்றுக்கொள்ளவும் நான் தயார். இல்லையென்றால் நான் கொடுக்கும் தண்டனைக்கு நீங்கள் தயாரா? இதை நான் சவாலாகவே கேட்கிறேன். 

கருணாநிதி மற்றும் ஜெயலலிதா முதலமைச்சராக இருந்த வரையில் நீட் உள்ளே வர முடியவில்லை. ஜெயலலிதாவிடம் அரசியல் கருத்து வேறுபாடுகள் இருந்தாலும் அவர் தைரியமானவர். கருணாநிதிக்கு ஆறு அடி இடம் இல்லை என்று சொன்னவர்கள் தற்போதைய ஆட்சியாளர்கள். நீதிமன்றம் சென்று அதை பெற்றோம். அவர்களுக்கு மக்கள் நாடாளுமன்றத் தேர்தலில் தக்க பாடம் புகட்டியுள்ளனர்” எனப் பேசினார். 

Advertisement:
இது தொடர்பான செய்திகள் :
Advertisement:
Advertisement:
[X] Close