[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

சிறுமியை வன்கொடுமை செய்தவருக்கு வாழ்நாள் சிறை.. அரசு 7 லட்சம் நஷ்ட ஈடு வழங்க உத்தரவு

life-sentence-to-elder-who-sexually-harassed-child

புதுக்கோட்டையில் 7 வயது சிறுமியை பாலியல் வன்கொடுமை செய்த வழக்கில் போக்சோ சட்டத்தின்கீழ் கைது செய்யப்பட்ட 68 வயது முதியவருக்கு வாழ்நாள் சிறை தண்டனை விதித்து  தீர்ப்பளிக்கப்பட்டுள்ளது. பாதிக்கப்பட்ட சிறுமியின் குடும்பத்திற்கு 7 லட்ச ரூபாய் நஷ்ட ஈடாக அரசு தரவேண்டும் என்றும் புதுக்கோட்டை மகிளா நீதிமன்றம் உத்தரவிட்டுள்ளது.

புதுக்கோட்டை மாவட்டம் ஆலங்குடி கலிஃபுல்லா நகரைச் சேர்ந்தவர் அஸ்ரப் அலி. வயது 68. இவர் அதே பகுதியைச் சேர்ந்த 7 வயது சிறுமியை கடந்த 3.9.2018 அன்று பாலியல் வன்கொடுமை செய்ததாக ஆலங்குடி அனைத்து மகளிர் காவல் நிலையத்தில் சிறுமியின் பெற்றோர் புகார் அளித்தனர். இந்த புகாரின் பேரில் போலீசார், போக்சோ சட்டத்தின் கீழ் அஸ்ரப் அலியை கைது செய்தனர்.

இந்த வழக்கு புதுக்கோட்டை மகிளா நீதிமன்றத்தில் நடந்து வந்தது வழக்கை விசாரித்த நீதிபதி ராஜலட்சுமி, 7 வயது சிறுமியை பாலியல் வன்கொடுமை செய்த அஸ்ரப் அலிக்கு வாழ்நாள் சிறை தண்டனையும் ஆயிரம் ரூபாய் அபராதமும் கட்டத்தவறினால் மேலும் 6 மாத கால சிறைத்தண்டனையும் விதித்து தீர்ப்பளித்தார். மேலும் பாதிக்கப்பட்ட சிறுமியின் குடும்பத்திற்கு நஷ்ட ஈடாக 7 லட்ச ரூபாய் அரசு தர வேண்டும் என்றும் உத்தரவிட்டார்.

போக்சோ சட்டத்தின்கீழ் கைது செய்யப்பட்ட குற்றவாளிக்கு தூக்கு தண்டனை விதிக்கலாம் என்று மத்திய அமைச்சரவை ஒப்புதல் அளித்துள்ள நிலையில் புதுக்கோட்டை மகிளா நீதிமன்றம், போக்சோ சட்டத்தின்கீழ் கைது செய்யப்பட்ட ஒருவருக்கு வாழ்நாள் சிறை தண்டனை விதித்த சம்பவம் பெரும் பரபரப்பை ஏற்படுத்தியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close