[X] Close
JUST IN
  • BREAKING-NEWS தமிழகத்தில் இன்றும் மழை தொடரும் என வானிலை மையம் அறிவிப்பு
  • BREAKING-NEWS இடைத்தேர்தலில் போட்டியிடுவதற்காக விருப்பமனு அளித்தவர்களிடம் இன்று நேர்காணல் நடத்துகிறது அதிமுக
  • BREAKING-NEWS நாங்குநேரி, விக்கிரவாண்டி தொகுதி இடைத்தேர்தலுக்கான வேட்புமனுத்தாக்கல் இன்று தொடங்குகிறது
  • BREAKING-NEWS இந்தியாவுக்கு எதிரான டி20 போட்டி: தென்னாப்பிரிக்க அணி 9 விக்கெட் வித்தியாசத்தில் வெற்றி
  • BREAKING-NEWS தமிழகம் முழுவதும் கருணாநிதி சிலை திறக்கப்படும்: ஈரோட்டில் கருணாநிதி சிலையை திறந்து வைத்து மு.க.ஸ்டாலின் பேச்சு
  • BREAKING-NEWS இடைத்தேர்தலில் போட்டியிடும் நாம் தமிழர் கட்சி வேட்பாளர்கள் 25-ம் தேதி அறிவிக்கப்படுவார்கள்: சீமான்

விஏஓக்கள் மீதான புகார்களை விசாரிக்க குழுக்கள் - நீதிமன்றத்தில் தமிழக அரசு தகவல்

teams-for-investigating-complaints-on-vaos-tn-govt-tells-in-madurai-high-court

மதுரை உட்பட 13 மாவட்டங்களில் கிராம நிர்வாக அலுவலர்கள் மீதான புகார்களை விசாரிக்க குழுக்கள் அமைக்கப்பட்டுள்ளதாக தமிழக அரசுத்தரப்பில் உயர்நீதிமன்ற மதுரைக்கிளையில் தெரிவிக்கப்பட்டுள்ளது.

கிராம நிர்வாக அலுவலர்களை பணி விதிகளின் படி அவர்கள் பணிபுரியும் இடங்களிலேயே தங்கியிருக்க உத்தரவிடக்கோரி தஞ்சாவூர் திருவிடைமருதூரைச் சேர்ந்த செல்வகுருநாதன் உயர் நீதிமன்ற மதுரைக்கிளையில் மனுத்தாக்கல் செய்தார்.

இந்த மனு ஏற்கெனவே விசாரணைக்கு வந்த போது, கிராம நிர்வாக அலுவலர்கள் பணியிடங்களில் தங்கியிருக்க வேண்டும். இதை மீறும் கிராம நிர்வாக அலுவலர்கள் மீது அளிக்கப்படும் புகாரை விசாரிக்க மாவட்ட வருவாய் கோட்டாட்சியர் அந்தஸ்துக்கு குறையாக அதிகாரி ஒருவர் தலைமையில் இரு வட்டாட்சியர்கள் அடங்கிய குழுவை மாவட்ட ஆட்சியர்கள் அமைக்க வேண்டும் என நீதிபதி உத்தரவிட்டார்.

இந்த வழக்கு இன்று நீதிபதி சுரேஷ்குமார் முன்பு மீண்டும் விசாரணைக்கு வந்தது. அப்போது அரசு சார்பில், “மதுரை, நாகப்பட்டினம், ஈரோடு, சேலம், சிவகங்கை, புதுக்கோட்டை, கரூர், திண்டுக்கல், நீலகிரி, திருச்சி, தஞ்சாவூர், கோவை, திருப்பூர் மாவட்டங்களில் கிராம நிர்வாக அலுவலர்கள் மீதான புகார்களை விசாரிக்க குழுக்கள் அமைக்கப்பட்டுள்ளன. மற்ற மாவட்டங்களிலும் விரைவில் குழு அமைக்கப்படும்” எனத் தெரிவிக்கப்பட்டது.

இதைப் பதிவு செய்து கொண்ட நீதிபதி, மற்ற மாவட்டங்களிலும் கிராம நிர்வாக அலுவலர்கள் மீதான புகார்களை விசாரிக்க குழு அமைத்து, அது தொடர்பாக நீதிமன்றத்தில் அறிக்கை தாக்கல் செய்ய உத்தரவிட்டு, விசாரணையை ஆகஸ்ட் 13-ஆம் தேதிக்கு ஒத்திவைத்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close