[X] Close
JUST IN
  • BREAKING-NEWS சபரிமலை வழக்கில் நாளை காலை தீர்ப்பு
  • BREAKING-NEWS தமிழகத்தில் புதிய மாவட்டங்கள் பிரிக்கப்பட்டதற்கான அரசாணை வெளியீடு.
  • BREAKING-NEWS சென்னையில் பெட்ரோல் லிட்டருக்கு ரூ. 76.18 காசுகளாகவும், டீசல் லிட்டருக்கு ரூ. 69.54 காசுகளாகவும் விலை நிர்ணயம்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமல்: குரூர நகைச்சுவை என காங்கிரஸ் கண்டனம்
  • BREAKING-NEWS தென் பெண்ணை ஆற்றில் கர்நாடகா கட்டும் அணைக்கு எதிராக தமிழக அரசு தாக்கல் செய்த வழக்கு: உச்நீதிமன்றம் இன்று தீர்ப்பு
  • BREAKING-NEWS இலங்கை அதிபர் தேர்தலுக்கான பரப்புரை இன்றுடன் ஓய்கிறது

ஒரு ரூபாய்க்கு கல்வி கற்று தரும் கோமதி டீச்சர்!

gomathi-teacher-educate-the-students-fees-one-rupee

ஒரு ரூபாய்க்கு என்ன கிடைக்கும்? இன்றைய காலகட்டத்தில் ஒரு ரூபாய்க்கு பெரிதாக எதுவும் பெரிதாக கிடைத்துவிடப்போ‌தில்லை. ஆனால், ஒரு ரூபாய் பீஸ் வாங்கிக்கொண்டு நான்காயிரம் மாணவ, மாணவியருக்கு கல்வி கற்றுத்தந்திருக்கிறார் ஒருவர்.

திருச்சி அரியமங்கலம் பகுதியில் உள்ள சீனிவாச நகரில் இருட்டில் ஒளிரும் தெருவிளக்குதான் இந்த மாணவர்களின் ஒளி விளக்கு. நடைபாதையாகவும் வாகனங்கள் செல்லும் பாதையாகவும் உள்ள இந்த தெருதான் இந்த மாணவர்களின் கல்விக்கூடம். இங்கு 80க்கும் அதிகமான மாணவ, மாணவியருக்கு மாலை நேரங்களில் கல்வி கற்றுத்தருகிறார் கோமதி.

திருச்சி பெரியார் ஈவேரா கல்லூரியில் தேர்வுகள் அலுவலக பணியாளராக பணியாற்றி வரும் இவர் கடந்த 16 ஆண்டுகளாக ஒரு ரூபாய் கட்டணம் பெற்றுக்கொண்டு 80க்கும் அதிகமான மாணவ, மாணவியருக்கு பாடம் கற்றுத்தருகிறார். வசதி வாய்ப்பில்லாத, தினக்கூலிகளாக உள்ளவர்களின் குழந்தைகளே இவரிடம் பாடம் படிக்கிறார்கள்.

ஆசிரியர் ஆக வேண்டும் என்ற தனது கனவு, குடும்பச்சூழலால் நிறைவேறாத நிலையில், காலை பத்து மணி முதல் 5 மணி வரை கல்லூரியில் வேலை பார்த்துவிட்டு ஆறரை மணி முதல் இரவு 9 மணி வரை இவர் ட்யூசன் எடுக்கிறார். கடந்த 16 ஆண்டுகளில் சுமார் 4 ஆயிரம் பேர் இவரிடம் கல்வி கற்றுள்ளனர். அவர்களில் பலர் நல்ல வேலையில் இருப்பது தனக்கு பெரும் மனநிறைவு அளிப்பதாக கூறுகிறார் ஒரு ரூபாய் டீச்சர் கோமதி

Advertisement:
இது தொடர்பான செய்திகள் :
Advertisement:
Advertisement:
[X] Close