[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

“முதியவர்கள், கர்ப்பிணிகளை வரவேண்டாம் என்றது நல்லநோக்கம்” - தலைமைச் செயலாளர்

athi-varadar-darshan-chief-secretary-explainations

முதியவர்கள், கர்ப்பிணி பெண்கள், பச்சிளங் குழந்தைகள் அத்திவரதரை தரிசிக்க வர வேண்டாம் என்ற மாவட்ட நிர்வாகத்தின் வேண்டுகோள் நல்ல நோக்கம் கொண்டதுதான் என தமிழக அரசின் தலைமைச் செயலாளர் சண்முகம் புதிய தலைமுறைக்கு தெரிவித்துள்ளார்.

இதுதொடர்பாக பேசிய சண்முகம், “முதியவர்கள், கர்ப்பிணி பெண்கள், பச்சிளங் குழந்தைகள்  அத்திவரதரை தரிசிக்க வருவதை தவிர்க்க வேண்டும் என ஆட்சியர் கூறியது நல்ல நோக்கத்தின் அடிப்படையில் தான். இருந்தாலும் முதியவர்கள், கர்ப்பிணிகள், பச்சிளங் குழந்தைகள் வந்தால் அவர்களுக்கான வசதிகள் ஏற்படுத்தித் தரப்படும். அத்திவரதரை தரிசிக்க காஞ்சிக்கு பிரதமர் வருவது குறித்த தகவல் இன்னும் எங்களுக்கு வரவில்லை.

அத்திவரதர் வைபவம் நடக்கும் வரதராஜ பெருமாள் கோயிலில் இரவு நேரத்தில் தான் மக்கள் கூட்டம் குறைவாக இருக்கும் என்பதால் நள்ளிரவு ஆய்வுகளை நடத்தினோம். பக்தர்கள் ஆலயத்தில் நுழையும் இடத்தில் இருந்து வெளியேறும் இடம் வரை எல்லா இடங்களையும் ஆய்வு செய்தோம். பொது மக்களை எப்படி வேகமாக தரிசனம் செய்ய செய்து அனுப்ப முடியும், அவர்களுக்கான வசதிகளை எப்படி மேம்படுத்த முடியும் என்ற அடிப்படையில் எங்கள் ஆய்வு நடந்தது. மொபைல் டாய்லட், நாற்காலிகள் அமைத்தல், ஓ.ஆர்.எஸ் கரைசல்கள் அமைப்பது குறித்த அறிவுரைகளை வழங்கி உள்ளோம்” எனத் தெரிவித்தார்.

முன்னதாக, அத்திவரதர் தரிசனத்தை கூடுமானவரை தவிர்க்குமாறு கூற காஞ்சிபுரம் ஆட்சியருக்கு யார் அதிகாரம் வழங்கியது என முன்னாள் மத்திய இணையமைச்சர் பொன். ராதாகிருஷ்ணன் கேள்வி எழுப்பியிருந்தார் என்பது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close