[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

சென்னையில் கடந்த 2 ஆண்டுகளில் நேர்ந்த விபத்துகள்: புள்ளிவிவரம் சொல்வது என்ன?

statistics-about-chennai-road-accident

சென்னை மாநகரில் கடந்த 2 ஆண்டுகளில் நேர்ந்த விபத்துகள் குறித்த புள்ளி விவரங்களைப் பார்க்கலாம்.

சென்னையில் கடந்த 2017-18ஆம் ஆண்டு உயிரிழப்பை ஏற்படுத்திய 92 சாலை விபத்துகளில் 96 பேர் உயிரிழந்தனர். 51 கோர விபத்துகளும், 993 சிறிய விபத்துகளும் நேர்ந்துள்ளன. 10 சாதாரண விபத்துகளும் நேர்ந்திருப்பது புள்ளி விவரங்கள் மூலம் தெரியவந்துள்ளது. 2018-19ஆம் ஆண்டில் உயிரிழப்புகளை ஏற்படுத்திய விபத்துகள் 82 ஆக குறைந்து 83 பேர் உயிரிழந்துள்ளனர். 51 இடங்களில் பயங்கர விபத்துகளும், 729 இடங்களில் சிறிய விபத்துகளும் ஏற்பட்டதாக புள்ளி விவரம் தெரிவிக்கிறது. 

மொத்தத்தில் 2017ஆம் ஆண்டில் 1277 விபத்துகளும், 2018ஆம் ஆண்டில் 1146 விபத்துகளும் நேர்ந்திருப்பது போக்குவரத்து காவல்துறையின் புள்ளி விவரங்கள் மூலம் தெரியவருகிறது. இதன் மூலம், 2017ஆம் ஆண்டை ஒப்பிடும்போது, 2018ஆம் ஆண்டில் விபத்துகள் குறைந்துள்ளது.

விபத்துகளை தடுக்க மேற்கொள்ளப்பட்டுள்ள சில நடவடிக்கைகள் குறித்த விவரங்கள் தெரிவிக்கப்பட்டுள்ளன. அதன்படி, சென்னை மாநகரில் உள்ள 3 ஆயிரத்து 400 பேருந்துகளில், 3 ஆயிரத்து 200 பேருந்துகள் பயன்பாட்டில் உள்ளதாகவும் தெரிகிறது. நாள் ஒன்றுக்கு சுமார் 36 லட்சம் பேர் அரசு பேருந்துகளில் பயணிப்பதாக புள்ளி விவரங்கள் தெரிவிக்கின்றன.

தொடர்ந்து விபத்துகளில் சிக்கும் பழைய பழுதடைந்த மாநகர பேருந்துகளுக்கு மாற்றாக, சிகப்பு நிற புதிய பேருந்துகள் 15 சதவிகித அளவில் பயன்பாட்டுக்கு கொண்டுவரப்பட்டுள்ளன. தொடர்ந்து விபத்து ஏற்படுத்தும் வாகன ஓட்டுநர்கள் மீது நடவடிக்கை எடுப்பதோடு, அவர்களுக்கு உரிய பயிற்சி அளிக்கப்படுவதாகவும் கூறப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close