[X] Close
JUST IN
  • BREAKING-NEWS உளவு பார்த்த புகாரில் கைது செய்யப்பட்டு பாகிஸ்தான் சிறையில் உள்ள குல்பூஷண்ஜாதவ் விவகாரத்தில் இந்தியாவிற்கு சாதகமான தீர்ப்பு: சாதகமான தீர்ப்பு வந்துள்ளதால்,அவரை பாகிஸ்தான் தூக்கிலிட முடியாது;பாகிஸ்தான் தனதுதீர்ப்பை மறுபரிசீலனை செய்யவேண்டும் -சர்வதேச நீதிமன்றம்
  • BREAKING-NEWS இந்த ஆண்டு ரூ.600 கோடி செலவில் 2 ஆயிரம் புதிய பேருந்துகள் வாங்கப்படும் - முதல்வர் பழனிசாமி அறிவிப்பு
  • BREAKING-NEWS தமிழகம், புதுச்சேரியில் 2 நாட்களுக்கு மிதமான மழைபெய்ய வாய்ப்பு - சென்னை வானிலை ஆய்வு மையம்
  • BREAKING-NEWS ஹைட்ரோ கார்பன், நியூட்ரினோ போன்ற அனைத்து திட்டங்களுமே வளர்ச்சிக்கான திட்டம் - தமிழிசை சவுந்தரராஜன்
  • BREAKING-NEWS அண்ணா பல்கலைக்கழக கல்விக் கட்டணம் உயர்வு : அட்டவணை வெளியீடு
  • BREAKING-NEWS ”உள்ளாட்சித் தேர்தலுக்கான அறிவிப்பு அக்டோபரில் வெளியாகும்” - மாநில தேர்தல் ஆணையம்
  • BREAKING-NEWS கர்நாடக அணைகளில் இருந்து தமிழகத்திற்கு காவிரி நீர் திறப்பு

பெற்றோரை ஏமாற்றி வீட்டை வாங்கிய மகன் - பத்திரப் பதிவை ரத்து செய்த அதிகாரி

son-forgery-parents-and-got-them-house-in-puducherry

புதுச்சேரியில் ஒன்றரை கோடி ரூபாய் மதிப்பிலான சொத்து பத்திரங்களை பிடுங்கிக் கொண்டு, மகனே பெற்றோரை விரட்டிய சம்பவம் நிகழ்ந்துள்ளது. 

புதுச்சேரி கவுண்டன் பாளையத்தைச் சேர்ந்த சங்கரதாஸ் ஒரு கூலித் தொழிலாளி. இவருக்கு ராஜ்மோகன், சவீதா என 2 பிள்ளைகள் உள்ளனர். தனது வாழ்நாள் சேமிப்பை வைத்து வீடு ஒன்றை கட்டிய சங்கரதாஸ், அதில் எஞ்சிய காலத்தை தனது மனைவி மற்றும் மகன் குடும்பத்தோடு வாழ விரும்பினார். ஆனால், தனது நிம்மதியை கெடுக்க, தனது ஒரே மகனே வில்லனாக வந்து சேர்வார் என சங்கரதாஸ் நினைத்திருக்கமாட்டார். 

வங்கியிலிருந்து கடன்பெறுவதற்கு வீட்டுப் பத்திரம் உத்தரவாதமாக தேவைப்படுவதால், அதை தனது பெயருக்கு எழுதி வைக்குமாறு தந்தையிடம் கூறியுள்ளார் ராஜ்மோகன். தனக்குப் பின் எல்லாம் மகனுக்குத் தானே என நினைத்த சங்கரதாஸ், அடம்பிடிக்கும் குழந்தைக்கு மிட்டாய் வாங்கித் தருவதைப் போல், ஒன்றரை கோடி ரூபாய் மதிப்புள்ள வீட்டை 2016ஆம் ஆண்டு எழுதிக் கொடுத்துவிட்டார். சொத்தை பிடுங்கிக் கொண்ட பின்னர்தான், ராஜ்மோகனின் சுயரூபம் வெளிச்சத்திற்கு வந்தது. கொஞ்சம், கொஞ்‌சமாய் தொல்லை கொடுக்க ஆரம்பித்த ராஜ்மோகன், இறுதியில் தாய், தந்தை இருவரையும் வீட்டை விட்டே விரட்டிவிட்டார்.

பெற்ற மகனே தங்களை ஏமாற்றி நடுத்தெருவில் நிறுத்தியதைக் கண்டு முதியோர் பராமரிப்பு தீர்வு நடுவர் தீர்ப்பாயத்தில் தந்தையும், தாயும் புகார் அளித்துள்ளனர். தீர்ப்பாயத்தில் சொத்தை திருப்பித்தர ராஜ்மோகன் மறுத்துவிட்டார். இதையடுத்து விசாரணை நடத்திய துணை மாவட்ட ஆட்சியர் சுதாகர், தனது மகனுக்கு சங்கரதாஸ் எழுதிக் கொடுத்த வீட்டுப் பத்திரத்தையே ரத்து செய்து உத்தரவிட்டா‌ர். பெற்ற மகனால் பாதிக்கப்பட்ட பெற்றோருக்கு, நீதி பெற்றுத் தந்த புதுச்சேரி துணை ஆட்சியரின் நடவடிக்கை பெரும் பாராட்டைப் பெற்றுள்ளது.

தங்கள் மகன் ஏமாற்றியது தொடர்பாக பேசிய பெற்றோர், "இதைப்போல் இனி யாரும் செய்யக்கூடாது. நாங்கள் எவ்வளவு ஆசை ஆசையாய் வளர்த்திருப்போம். அவனுக்கு கடுமையான தண்டனையை கொடுக்க வேண்டும்” மன வேதனையுடன் கூறினர்.

Advertisement:
இது தொடர்பான செய்திகள் :
Advertisement:
Advertisement:
[X] Close