[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

பணம் செலுத்தாத வாகனத்தை துரத்திய சுங்கச்சாவடி ஊழியர் பள்ளத்தில் விழுந்து உயிரிழப்பு

toll-gate-employee-dead-by-bike-accident

காஞ்சிபுரம் மாவட்டம் பரனூர் சுங்கச்சாவடியில் நிற்காமல் சென்ற வாகனத்திடம் வரிவசூலிப்பதற்காக துரத்திச் சென்ற ஊழியர் பள்ளத்தில் விழுந்து உயிரிழந்தார். 

காஞ்சிபுரம் மாவட்டம் பரனூர் சுங்கச்சாவடியில் வாகனம் ஒன்று நிற்காமல் சென்றுள்ளது. உடனடியாக நிற்காமல் சென்ற வாகன ஓட்டியிடம் சுங்கவரி வசூலிப்பதற்காக ஊழியர்கள் சிலர் துரத்திச் சென்றுள்ளனர். அவரை துரத்திப் பிடித்து அடித்து உதைத்த சுங்கச்சாவடி ஊழியர்கள் காவல்துறையினரிடம் ஒப்படைத்துள்ளனர். 

அதன்பிறகே தங்களுடன் வந்த வினோத் என்பவரை காணவில்லை என்பது அவர்களுக்கு தெரியவந்துள்ளது. வினோத்தை தேடிய போது ரயில்வே மேம்பாலத்திற்காக புறவழிச்சாலையின் நடுவே விடப்பட்டிருந்த இடைவெளியில் விழுந்து கிடந்தது கண்டுபிடிக்கப்பட்டது. மருத்துவமனைக்கு கொண்டு சென்ற போது வினோத் உயிரிழந்தது தெரியவந்தது. புலிப்பாக்கத்தைச் சேர்ந்த வினோத்துக்கு 6 மாதங்களுக்கு முன்புதான் திருமணம் நடைபெற்றது. 

எப்படியாவது வாகனங்களிடம் வரிவசூலித்தே ஆகவேண்டும் என சுங்கச்சாவடி நிர்வாகம் கெடுபிடி செய்வதே இதுபோன்ற உயிரிழப்புகளுக்கு காரணம் எனக்கூறப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close