[X] Close
JUST IN
  • BREAKING-NEWS சந்திரயான்-2 விண்கலம் செப்.7 ஆம் தேதி நிலவில் தரையிறங்குகிறது - இஸ்ரோ
  • BREAKING-NEWS கர்நாடக அணைகளில் இருந்து காவிரியில் உபரிநீர் திறப்பு வினாடிக்கு 34,000 கன அடியாக அதிகரிப்பு
  • BREAKING-NEWS தமிழகத்தில் ஆவின் பால் விலை லிட்டருக்கு ரூ.6 உயர்வு - தமிழக அரசு
  • BREAKING-NEWS ஆகஸ்ட் 21 முதல் தனியார் தண்ணீர் லாரிகள் வேலை நிறுத்தம்
  • BREAKING-NEWS சாதி, மத அடையாளங்களுடன் மாணவர்கள் வந்தால் நடவடிக்கை- செங்கோட்டையன்

“மழை பொய்த்தாலும் முடிந்த அளவு தண்ணீர் விநியோகம்” - முதல்வர் பதில்

tamilnadu-cm-palanisamy-explanation-on-water-crisis-on-mk-stalin-resolution

தமிழகத்தில் மழை பொய்த்துவிட்டாலும், முடிந்த அளவு தண்ணீர் விநியோகிக்கிறோம் என்று சட்டப்பேரவையில் முதலமைச்சர் பழனிசாமி தெரிவித்துள்ளார்.

சட்டசபையில் குடிநீர் பிரச்னை குறித்து திமுக தலைவர் ஸ்டாலின் கவன ஈர்ப்பு தீர்மானத்தை கொண்டு வந்தார். அப்போது, 66 சதவீத பருவமழை பொய்த்தும் குடிநீர் பிரச்னை தீர எந்த நடவடிக்கையும் அரசு எடுக்கவில்லை என்றும் குடிமராமத்துப் பணிகளும் தோல்வி அடைந்துள்ளதாகவும் ஸ்டாலின் தமிழக அரசினை விமர்சித்தார். 

இதனையடுத்து தண்ணீர் பிரச்னை குறித்து சட்டப்பேரவையில் பேசிய முதல்வர் பழனிசாமி, “மழை பொய்த்துவிட்டது, நிலத்தடி நீர் கீழே சென்றுவிட்டது. இருந்த போதிலும் தமிழக அரசால் முடிந்தவரை தண்ணீர் விநியோகித்து வருகிறோம்” என்று தெரிவித்தார். 

மேலும், “தமிழகத்துக்கு கிடைக்க வேண்டிய நீர் பிரச்சனையில் உள்ளது. சட்டத்தில் மூலம் காவிரி ஆணையம் அமைக்கும் தீர்ப்பை பெற்றோம்,  ஆனால் ஆணையம் கலைக்கப்படும் என ராகுல் காந்தி பேசியுள்ளார். ராகுல் காந்தியின் இந்தப் பேச்சுக்கு எதிர்ப்பு தெரிவித்து ஒரு குரல் கொடுத்தீர்களா?" என காங்கிரஸ் உறுப்பினர்களுக்கு முதல்வர் கேள்வி எழுப்பினார்.

மேலும், “உங்கள் கூட்டணியிலுள்ள காங்கிரஸ் கட்சிதான் கர்நாடகாவில் ஆட்சியில் உள்ளது. இதுவரை நமக்கு கிடைக்க வேண்டிய தண்ணீர் தரவில்லை. அதற்கு ஏதாவது அழுத்தம் கொடுத்தீர்களா?” எனவும் முதல்வர் கேள்வி எழுப்பினார்.

இதனையடுத்து, “காவிரி நீரை கொண்டு வர வேண்டியது ஆளும் கட்சியின் பொறுப்பு, எதிர்க்கட்சியை குற்றம் சாட்டுவது சரியல்ல” என காங்கிரஸ் சட்டப்பேரவை தலைவர் ராமசாமி கூறினார்.
 

Advertisement:
இது தொடர்பான செய்திகள் :
Advertisement:
Advertisement:
[X] Close