[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

கிராம சபை கூட்டங்களில் எதிரொலித்த ஹைட்ரோகார்பன், மின்கோபுரம்,கெயில் பிரச்னைகள்

many-resolutions-including-hydrocarbon-methane-passed-in-grama-sabha-meeting

தமிழகத்தில் உள்ள அனைத்து கிராமங்களிலும் இன்று கிராம சபை கூட்டங்கள் நடைபெற்றன. அதில் மக்கள் பல்வேறுவிதமான கோரிக்கைகளை வலியுறுத்தி தீர்மானங்களை நிறைவேற்றினர். குறிப்பாக ஹைட்ரோ கார்பன் திட்டத்தை கைவிட வேண்டும், விளைநிலங்கள் வழியாக உயர்மின்கோபுரங்கள் அமைக்க தடை, மீத்தேன் எரிவாயு எடுக்க தடை, கெயில் குழாய்கள் பதிக்க தடை உள்ளிட்ட விஷயங்கள் பெரும்பான்மையாக இருந்தன. சில இடங்களில் குடிநீரை வீணாக்காமல் பயன்படுத்த மக்கள் தீர்மானம் நிறைவேற்றினர். 

நாகை மாவட்டம் சீர்காழி அருகே வேட்டங்குடி ஊராட்சிக்கு உட்டபட்ட பகுதிகளில் தற்போது விளைநிலங்களில் கெயில் குழாய் பதிக்கும் பணிகள் பொதுமக்கள் எதிர்ப்பை மீறி நடைபெற்று வருகிறது.அதே போல் ஓ.என்.ஜி.சி எண்ணெய் கிணறுகள் அமைக்கும் பணிகளும் நடந்து வரும் நிலையில் தற்போது ஹைட்ரோகார்பன் விரிக்கம் தொடர்பாக விவசாயிகளுக்கு கடிதம் வந்துள்ளது. இந்நிலையில் இன்று வேட்டடங்குடி ஊராட்சி அலுவலகத்தில் சிறப்பு கிராம சபை கூட்டம் நடைபெற்றது. இதில் கலந்து கொண்ட விவசாயிகள் மற்றும் கிராமமக்கள் தங்கள் கிராமத்தில் ஏற்கவே நடைபெறும் ஓ.என்.ஜி.சி மற்றும் கெயில் குழாய் பணிகளை உடனே நிறுத்த கோரியும் வரப்போகும் ஹைட்ரோகார்பன் திட்டத்தை கைவிட அரசை வலியுறுத்தியும் தீர்மானம் நிறைவேற்றினர்.

நாகை மாவட்டம் வேதாரண்யம் அருகே ஆதனூர் ஊராட்சியில் சிறப்பு கிராம சபா கூட்டம் ஊராட்சி செயலாளர் தங்கராசு தலைமையில் நடைபெற்றது கூட்டத்தில் பகுதியைச் சேர்ந்த 300 மேற்பட்டோர் கலந்து கொண்டனர். கூட்டத்தில் நாகை மாவட்டத்தில் ஹைட்ரோகார்பன் திட்டத்தை மத்தியஅரசு கொண்டு வருவதற்கு எதிர்ப்பு தெரிவித்து தீர்மானம் நிறைவேற்ற வேண்டி கிராம மக்கள் மனு அளித்தனர் 

சிதம்பரம் அருகே கீரப்பாளையம் ஊராட்சியில் நடந்த கிராமசபை கூட்டத்தில் ஹைட்ரோகார்பன் திட்டத்திற்கு எதிராக தீர்மானம் நிறைவேற்றம். தமிழ்நாடு காங்கிரஸ் கமிட்டித் தலைவர் கே.எஸ்.அழகிரி, சொந்த ஊரான கீரப்பாளையம் கிராம சபை கூட்டத்தில் பங்கேற்றார். கீழ்நிலை அதிகாரிகளுக்கு கூடுதல் அதிகாரம் அளிக்க தமிழக அரசுக்கு அழகிரி வலியுறுத்தினார்.
தஞ்சை மாவட்டத்தில் 589 ஊராட்சிகளிலும் நடைபெற்ற கிராமசபை கூட்டங்களில் ஹைட்ரோ கார்பன் மீத்தேன் திட்டங்களை டெல்டா மாவட்டங்களில் இருந்து திரும்பப் பெற வேண்டும் என அந்தந்த பகுதி விவசாயிகள் வலியுறுத்தியதை அடுத்து கிராமசபை கூட்டங்களில் பல கிராமங்களில் ஒருமித்து தீர்மானமாக நிறைவேற்றப்பட்டுள்ளது . 

மயிலாடுதுறையை அடுத்த மாப்படுகை கிராமத்தில் 200க்கும் மேற்பட்ட கிராம மக்கள் பங்கேற்ற கிராமசபைக்கூட்டம் நடைபெற்றது. கூட்டத்தில், ஹைட்ரோ கார்பன் திட்டத்தை தமிழ்நாட்டில் நிறைவேற்றக்கூடாது, கெயில் குழாய்களை வயல்களில் பதிக்க்ககூடாது, அணுக்கழிவு மையத்தை தமிழ்நாட்டில் ஏற்படுத்தக்கூடாது என்பன உள்ளிட்ட தீர்மானங்கள் நிறைவேற்றப்பட்டன. இவற்றை பொதுமக்கள் முன்னிலையில், அதிகாரிகள் வாசித்து காட்டினர். புதுக்கோட்டை மாவட்டம் நெடுவாசல் உள்ளிட்ட 30க்கும் மேற்பட்ட ஊராட்சிகளில் இன்று நடைபெற்ற கிராமசபை கூட்டங்களில் டெல்டா மாவட்டங்களில் ஹைட்ரோ கார்பன் திட்டத்தை செயல்படுத்தக் கூடாது என்று தீர்மானம் நிறைவேற்றப்பட்டது ‌. கோவை மாவட்டம் செம்மாண்டம்பாளையத்தில் நடைபெற்ற கிராம சபை கூட்டத்தில் விளைநிலங்கள் வழியாக மின் கோபுரம் அமைக்க கூடாது என அளித்த மனுவின் அடிபடையில் தீர்மானம் நிறைவேற்றபட்டது 

Advertisement:
Advertisement:
Advertisement:
[X] Close