[X] Close
JUST IN
  • BREAKING-NEWS இந்த ஆண்டு ரூ.600 கோடி செலவில் 2 ஆயிரம் புதிய பேருந்துகள் வாங்கப்படும் - முதல்வர் பழனிசாமி அறிவிப்பு
  • BREAKING-NEWS தமிழகம், புதுச்சேரியில் 2 நாட்களுக்கு மிதமான மழைபெய்ய வாய்ப்பு - சென்னை வானிலை ஆய்வு மையம்
  • BREAKING-NEWS ஹைட்ரோ கார்பன், நியூட்ரினோ போன்ற அனைத்து திட்டங்களுமே வளர்ச்சிக்கான திட்டம் - தமிழிசை சவுந்தரராஜன்
  • BREAKING-NEWS அண்ணா பல்கலைக்கழக கல்விக் கட்டணம் உயர்வு : அட்டவணை வெளியீடு
  • BREAKING-NEWS ”உள்ளாட்சித் தேர்தலுக்கான அறிவிப்பு அக்டோபரில் வெளியாகும்” - மாநில தேர்தல் ஆணையம்
  • BREAKING-NEWS கர்நாடக அணைகளில் இருந்து தமிழகத்திற்கு காவிரி நீர் திறப்பு

தம்பியையே ஆணவக் கொலை செய்த அண்ணன் ! காவல் நிலையத்தில் சரண்

the-honour-killing-murder-for-love-marriage-in-kovai

மேட்டுப்பாளையத்தில் பட்டியிலின சமூகத்தை சேர்ந்த பெண்ணை காதலித்த தனது தம்பியை அரிவாளால் வெட்டி கொலை செய்த அண்ணன் காவல் நிலையத்தில் சரணடைந்தார். 

கோவை மாவட்டம், மேட்டுப்பாளையம் சீரங்கராயன் ஓடை பகுதியியை சேர்ந்தவர் கனகராஜ். இவர் அதே பகுதியில் பட்டியல் இனத்தைச் சேர்ந்த வர்ஷினி பிரியா என்ற பெண்ணை காதலித்து வந்துள்ளார். இந்தச் சூழலில் கடந்த மூன்று மாதங்களுக்கு முன்பு வர்ஷினி பிரியா தன்னை திருமணம் செய்து கொள்ளுமாறு கூறி கனகராஜின் வீட்டுக்கு சென்றுள்ளார். அப்போது கனகராஜின் குடும்பத்தார் இவர்கள் காதலுக்கு எதிர்ப்பு தெரிவித்ததாக தெரிகிறது. மேலும் இவர்களின் காதலுக்கு கனகராஜின் அண்ணன் வினோத் கடும் எதிர்ப்பு தெரிவித்து வந்துள்ளார்.

இந்தச் சூழலில் கடந்த சில தினங்களுக்கு முன் வர்ஷினி பிரியா மீண்டும் தன்னை திருமணம் செய்து கொள்ளுமாறு கனகராஜ் வீட்டிற்கு சென்று கூறியுள்ளார். ஆனால் கனகராஜ் குடும்பத்தினர் மீண்டும் எதிர்ப்பு தெரிவித்துள்ளனர். பின்னர் கனகராஜ் வர்ஷினி ப்ரியாவுடன் சேர்ந்து சீரங்கராயன் ஓடை பகுதியில் வாடகை வீட்டில் தனி குடும்பம் நடத்தினார். இதனால் ஆத்திரமடைந்த கனகராஜின் அண்ணன் வினோத் அவர்கள் இருக்கும் வீட்டிற்கு சென்று இருவரையும் அரிவாளால் சரமாரியாக வெட்டியுள்ளார். அந்தக் கொடூரத் தாக்குதலில் கனகராஜ் சம்பவ இடத்திலேயே பரிதாபமாக உயிரிழந்தார். மேலும் வர்ஷினி ப்ரியா உயிருக்கு ஆபத்தான நிலையில் அக்கம் பக்கத்தினர் மீட்டு மேட்டுப்பாளையம் அரசு மருத்துவமனையில் சிகிச்சைக்காக அனுமதித்தனர். அங்கு முதல் உதவி சிகிச்சை முடிந்து மேல் சிகிச்சைக்காக கோவை அரசு மருத்துவமனையில் அனுமதிப்பட்டுள்ளார்.

இந்தக் கொடூரத் தாக்குதல் சம்பவம் குறித்த தகவலறிந்த மேட்டுப்பாளையம் போலீசார் சம்பவ இடத்துக்கு சென்று கனகராஜின் உடலை கைப்பற்றி பிரேத பரிசோதனைக்காக மேட்டுப்பாளையம் அரசு மருத்துவமனைக்கு அனுப்பிவைத்தனர். பின் கோவை மாவட்ட எஸ்.பி சுஜித் குமார் சம்பவ இடத்துக்கு சென்று விசாரணை செய்த பின்னர், வழக்குப்பதிவு செய்த மேட்டுப்பாளையம் காவல்துறையினர், 2 தனிப்படைகள் அமைத்து தலைமறைவாக உள்ள கனகராஜின் அண்ணன் வினோத்தை தேடி வந்தனர். இந்த சம்பவம் மேட்டுப்பாளையம் நகரில் பெரும் பரபரப்பை ஏற்படுத்திய நிலையில் வினோத்குமார் இன்று காலை மேட்டுப்பாளையம் காவல் நிலையத்தில் சரணடைந்தார். 

Advertisement:
இது தொடர்பான செய்திகள் :
Advertisement:
Advertisement:
[X] Close