[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

“காவிரி ஆணையம் கர்நாடகாவுக்கு துணை போகிறது” - திருமாவளவன்

cauvery-board-indirectly-supports-karnataka-thirumavalavan

உத்தரவுகளை நடைமுறைப்படுத்த மறுக்கும் கர்நாடகா அரசுக்கு காவிரி மேலாண்மை ஆணையம் மறைமுகமாக துணை போவதாக விடுதலைச் சிறுத்தைகள் கட்சித் தலைவர் தொல்.திருமாவளவன் குற்றஞ்சாட்டியுள்ளார்.

இதுதொடர்பாக அவர் வெளியிட்டுள்ள அறிக்கையில்,  காவிரி மேலாண்மை ஆணையம் ஒருபுறம் உத்தரவுகளை பிறப்பித்துக் கொண்டே மறுபுறம் அதனை நடைமுறைப்படுத்த மறுக்கும் கர்நாடகா அரசுக்கு துணை போவதாக தெரிவித்துள்ளார். இது அப்பட்டமான துரோகம் எனக் குறிப்பிட்டுள்ள திருமாவளவன், கடந்த ஜூன் மாதத்திற்கான தண்ணீரை  கர்நாடகா அரசு ஏன் கொடுக்கவில்லை எனக் கேள்வி எழுப்பியுள்ளார்.

‘காவிரி நீர்பிடிப்பு பகுதிகளில் நீர் வரத்து இல்லை. மழை பெய்தால் பிரச்சனை தீர்ந்துவிடும்‘ எனக் காவிரி மேலாண்மை ஆணையத் தலைவர் செய்தியாளர்களிடம் பேசியதை சுட்டிக் காட்டியுள்ள திருமாவளவன், இது மறைமுகமாக கர்நாடகாவுக்கு ஆதரவு தெரிவிப்பது போல் உள்ளது எனத் தெரிவித்துள்ளார். அத்துடன் உத்தரவை மதிக்காத கர்நாடகா அரசுக்கு காவிரி மேலாண்மை ஆணையம் கண்டனம் எதுவும் தெரிவிக்கவில்லை எனவும் திருமாவளவன் குறிப்பிட்டுள்ளார்.

இனிவரும் காலங்களில் மேலாண்மை ஆணையத்தின் கூட்டதை பெங்களூரிலேயே நடத்தலாம் என்று தமிழக அரசு கருத்து தெரிவிப்பது தமிழக நலனுக்கு எதிரானது என திருமாவளவன் தெரிவித்துள்ளார். தமிழகத்துக்கு உரிய காவிரி நீரை உடனடியாக கர்நாடகா அரசு திறந்து விட வேண்டும். இல்லை என்றால் தமிழகத்தில் மிகப் பெரும் கிளர்ச்சி ஏற்படும் எனவும் திருமாவளவன் எச்சரிக்கை விடுத்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close