[X] Close
JUST IN
  • BREAKING-NEWS கவுரவ டாக்டர் பட்டம் பெற்றார் முதலமைச்சர் பழனிசாமி
  • BREAKING-NEWS நாங்குநேரி இடைத்தேர்தல் பணப்பட்டுவாடா விவகாரம்: திமுக எம்எல்ஏ சரவணகுமார் மீது மேலும் ஒரு வழக்குப்பதிவு
  • BREAKING-NEWS தொடர் மழை: ஓராண்டுக்குப் பிறகு 100 அடியை எட்டியது பவானி சாகர் அணை
  • BREAKING-NEWS தமிழகத்தில் மேலும் நான்கு நாட்களுக்கு மழை நீடிக்கும் என வானிலை மையம் தகவல்
  • BREAKING-NEWS புரோ‌ கபடி லீக் தொடரில் பெங்கால் ‌வாரியர்ஸ் அணி ‌முதல் முறையாக சாம்பியன்‌. இறுதிப்போட்டியில் தபாங் டெல்லியை வீழ்த்தியது.

கொலை செய்துவிட்டு நாடகமாடிய திருநங்கைகள் - பின்னணி என்ன ?

8-transgenders-killed-on-transgender-in-chennai

சென்னை மாங்காட்டில் திருநங்கையை கொலை செய்துவிட்டு நாடகமாடிய 8 திருநங்கைகள் காவல் நிலையத்தில் சரணடைந்தனர்.

காஞ்சிபுரம் மாவட்டம் குருவி மலையில் வசித்து வந்த 6 திருநங்கைகள் கடந்த புதன்கிழமை காரில் கடத்திச் செல்லப்பட்டனர். இதுதொடர்பாக குன்றத்தூரைச் சேர்ந்த திருநங்கைகள் மகாலட்சுமி, வடிவு, சுப்ரியா, லட்சுமி, ஹரிணி மற்றும் அவர்களுக்கு உதவியாக இருந்த ரமேஷ், கார்த்திக், செல்வம், சேகர் ஆகியோரை காவல்துறையினர் கைது செய்தனர். இந்த நிலையில் கடத்திச் செல்லப்பட்ட 6 பேர் உள்பட 8 திருநங்கைகள் மாங்காடு காவல் நிலையத்தில் சரணடைந்தனர். தங்களுடன் வசித்த சவுமியா என்ற திருநங்கையை கொலை செய்ததாகக் கூறி 8 பேரும் சரணடைந்துள்ளனர். 

கொல்லப்பட்ட சவுமியா மற்றும் அவரை கொலை செய்த 8 பேர் உள்பட பல திருநங்கைகள் மகாலட்சுமியின் கட்டுப்பாட்டில் இருந்தனர். கடந்த சில நாள்களுக்கு முன் சிக்கராயபுரம் கல்குவாரியில் குளித்த போது மதுபோதையில் சவுமியாவை 8 பேரும் அடித்துக் கொலை செய்துள்ளனர். இதுகுறித்து தகவலறிந்த மகாலட்சுமி, கொலையை மறைக்கும்படி கூறியதாக தெரிகிறது. அதன்படி, ‌சவுமியா கல்குவாரியில் தவறி விழுந்து உயிரிழந்ததாக 8 பேரும் நாடகமாடியுள்ளனர். 

அதன்பின், 8 பேரும் நாளொன்றுக்கு தலா 3 ஆயிரம் ரூபாய் தராவிட்டால் காவல்துறையினரிடம் காட்டிக் கொடுத்துவிடுவேன் என மகாலட்சுமி மிரட்டியதாக தெரிகிறது. இதனால் 8 பேரும் அவரிடமிருந்து தப்பியுள்ளனர். குருவி மலையில் தஞ்சமடைந்திருந்தவர்களை மகாலட்சுமி கடத்தியுள்ளார். காவல்துறையினரால் மீட்கப்பட்டவர்கள் இனியும் கொலையை மறைக்க முடியாது என்ற எண்ணத்தில் காவல் நிலையத்தில் சரணடைந்துள்ளனர்.
 

Advertisement:
Advertisement:
Advertisement:
[X] Close