[X] Close
JUST IN
  • BREAKING-NEWS ‘பிகில்’ சிறப்புக் காட்சிக்கு அனுமதி கேட்டு தமிழக அரசுக்கு கடிதம்
  • BREAKING-NEWS தமிழகத்தில் 6 புதிய மருத்துவக் கல்லூரிகள் தொடங்க மத்திய அரசு ஒப்புதல்
  • BREAKING-NEWS சென்னையில் பத்தாயிரம் ரூபாய் லஞ்சம் வாங்கியதாக காவல் ஆய்வாளர் கைது
  • BREAKING-NEWS தீபாவளிக்காக சென்னையில் 24 மணி நேரமும் மாநகரப் பேருந்துகள் இயங்கும் : போக்குவரத்து துறை

5 திரையரங்குகளுக்கு சீல் - வரி செலுத்தாததால் அதிகாரிகள் நடவடிக்கை

officials-seal-to-5-theater-in-selam

ரூ.30 லட்சம் கேளிக்கை வரி செலுத்தாததையொட்டி சேலம் புதிய பேருந்து நிலையம் அருகே ஒரே வளாகத்தில் 5 திரையரங்குகளுக்கு சீல் வைத்து அதிகாரிகள் நடவடிக்கை எடுத்துள்ளனர். 

சேலம் புதிய பேருந்து நிலையம் அருகே பிரபல திரையரங்கம் செயல்பட்டு வருகிறது. ஒரே வளாகத்தில் உள்ள 5 திரையரங்குகள் ஒரு வருடமாக மாநகராட்சிக்கு செலுத்தவேண்டிய கேளிக்கை வரியை செலுத்தவில்லை என தெரிகிறது. இதனடிப்படையில் திரையரங்கிற்கு மாநகராட்சி அதிகாரிகள் இன்று காலை சீல் வைத்தனர். திரையரங்கம் பொதுமக்களிடம் இருந்து பெறப்பெற்ற கேளிக்கை வரியில் இருந்து அரசு ஆணைப்படி 30 சதவிகிதம் மாநகராட்சிக்கு செலுத்த வேண்டும். 

இதுகுறித்து பலமுறை மாநகராட்சி சார்பில் திரையரங்க உரிமையாளருக்கு அறிவிப்பு கொடுக்கப்பட்டுள்ளது. ஆனால் திரையரங்க நிர்வாகம் கண்டுகொள்ளாத காரணத்தினால் தற்போது சீல் வைக்கும் நடவடிக்கையை மாநகராட்சி அதிகாரிகள் எடுத்துள்ளனர். 

ஆனால் தங்களுக்கு எவ்வித அறிவிப்பும் கிடைக்கப்பெறவில்லை என திரையரங்க நிர்வாகம் சார்பில் தெரிவிக்கப்படுகிறது. மாநகராட்சிக்கு செலுத்த வேண்டிய ரூ. 30 லட்சத்தை செலுத்தாததாலேயே இந்த நடவடிக்கை எடுக்கப்படுவதாக மாநகராட்சி தரப்பில் தெரிவிக்கப்பட்டுள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close