[X] Close
JUST IN
  • BREAKING-NEWS வளிமண்டல மேலடுக்கு சுழற்சியால் தமிழகத்தில் 3 நாட்களுக்கு மழை நீடிக்கும் - வானிலை ஆய்வு மையம்
  • BREAKING-NEWS சென்னை ராயப்பேட்டை ஒய்.எம்.சி.ஏ மைதானத்தில் அக்டோபர் 6ஆம் தேதி திமுக பொதுக்குழு கூட்டம்
  • BREAKING-NEWS நீட் ஆள் மாறாட்ட புகாரில் தொடர்புடைய மாணவர் உதித் சூர்யாவை தேடி தேனியிலிருந்து தனிப்படை காவல்துறையினர் 5பேர் சென்னை வருகை
  • BREAKING-NEWS தாய்மொழிக்கு பதிலாக இந்தியை கற்க வேண்டும் என கூறவில்லை - மத்திய உள்துறை அமைச்சர் அமித் ஷா
  • BREAKING-NEWS இந்தி திணிப்புக்கு எதிராக நாளை திமுக நடத்தவிருந்த போராட்டம் ஒத்திவைப்பு. ஆளுநரின் உறுதிமொழியை ஏற்று முடிவு எடுக்கப்பட்டதாக ஸ்டாலின் அறிவிப்பு

காசு கொடுத்து தண்ணீர் வாங்க முடியல... காலியாகும் அடுக்குமாடி குடியிருப்புகள் 

apartments-vacant-due-to-water-shortage-in-chennai

சென்னையை மிரட்டும் தண்ணீர் பஞ்சத்தால் தண்ணீரின் விலை உயர்ந்து கொண்டே போகிகிறது. இதனால் பல அடுக்குமாடி குடியிருப்புகள் காலியாகி வருகின்றன. 

சென்னையில் கடுமையான தண்ணீர் பிரச்னை ஏற்பட்டுள்ளது. சாலையெங்கும் மக்கள் குடங்களுடன் தண்ணீருக்காக அலைகின்றனர். இதனால் பல்வேறு இடங்களில் அவ்வபோது போராட்டங்களும் நடைபெறுகிறது. தண்ணீர் இல்லாததால் ஓட்டல்கள் இழுத்து மூடும் நிலைக்கு தள்ளப்பட்டுள்ளது. பல்வேறு ஐ.டி கம்பெனிகளில் வீட்டில் இருந்தே வேலை செய்ய பணியாளர்களுக்கு அறிவுறுத்தப்பட்டுள்ளது. 

மே மாதத்தை கடந்து ஜூன் மாதமாகியும் இன்னும் மழை சென்னையை எட்டிப்பார்க்கவில்லை. வெப்பத்தின் தாக்கமே அதிகமாக உள்ளது. ஜூன், ஜூலை மாதங்களில் பெய்யும் மழையினால் எவ்வித மாற்றமும் பெரிதாக நடைபெறாது என வெதர்மென் தரப்பில் இருந்து தகவல் வெளியாகிறது. சென்னையில் வெயிலின் தாக்கம் இன்னும் இரண்டு நாட்களுக்கு அதிகமாக இருக்கும் எனவும் தெரிவிக்கப்பட்டுள்ளது. 

தற்போது குடிநீர் பற்றாக்குறையை போக்க அரசு தரப்பில் இருந்து லாரி மூலம் தண்ணீர் வழங்கப்பட்டு வருகிறது. 9 ஆயிரத்து 100 டிரிப் மூலம் தண்ணீர் கொடுக்கப்பட்டு வருகிறது. பேரூராட்சி, நகராட்சி, கிராம பஞ்சாயத்து என அனைத்து பகுதிகளுக்கும் லாரி சர்வீஸ் மூலம் தண்ணீர் வழங்கப்படுகிறது.

ஆனால் சில தனியார் நிறுவனங்கள் தண்ணீர் பஞ்சத்தை காரணம் காட்டி ஜுன் ஒன்றாம் தேதி முதல் விலையை உயர்த்தியுள்ளனர். 30 ஆயிரம் லிட்டர் அளவு கொண்ட ஒரு லாரி தண்ணீர் 2 ஆயிரத்து 400 லிருந்து 3 ஆயிரத்து 300 ஆக உயர்த்தியுள்ளனர். கிட்டதட்ட 900 ரூபாய் அதிகமாக உயர்த்தியுள்ளனர்.

ஏற்கனவே தண்ணீர் பஞ்சத்தால் அதிருப்தியில் இருக்கக்கூடிய சென்னை மக்களுக்கு தண்ணீரின் விலை உயர்வு அவர்கள் தலையில் இடியை தூக்கி போட்டுள்ளது. இதனால் பல அடுக்குமாடி குடியிருப்புகளில் வசிப்பவர்கள் வீட்டை காலி செய்துவிட்டு நடையை கட்டும் சூழல் ஏற்பட்டுள்ளது. மேலும் தண்ணீர் விலை நாளுக்கு நாள் உயர்ந்து கொண்டே செல்வதாகவும் பெட்ரோல் விலையை விட தண்ணீர் விலை அதிகமாகிவிடும் போல என்று குடியிருப்புவாசிகள் அச்சம் தெரிவிக்கின்றனர். 

Advertisement:
Advertisement:
Advertisement:
[X] Close