[X] Close
JUST IN
  • BREAKING-NEWS கோழிப்பண்ணை உரிமையாளர்கள் சோளத்தை வரியின்றி இறக்குமதி செய்ய அனுமதிக்க வேண்டும்- பிரதமர் மோடிக்கு முதல்வர் பழனிசாமி கடிதம்
  • BREAKING-NEWS கர்நாடக சட்டப்பேரவையில் வரும் 18ம் தேதி காலை 11 மணிக்கு நம்பிக்கை வாக்கெடுப்பு நடைபெறுகிறது
  • BREAKING-NEWS முன்னாள் அமைச்சர் கல்ராஜ் மிஷ்ரா ஹிமாச்சல பிரதேசத்தின் புதிய ஆளுநராக நியமனம் . ஹிமாச்சல் ஆளுநராக இருந்த ஆச்சார்யா தேவ்ரட் குஜராத் ஆளுநராக பணியிடமாற்றம்
  • BREAKING-NEWS ‘பெருங்களத்தூர் டூ சிங்கப்பெருமாள் கோவில்- 8 வழிச்சாலை’ : முதல்வர் அறிவிப்பு
  • BREAKING-NEWS தேசிய புலனாய்வு அமைப்பான என்ஐஏவுக்கு கூடுதல் அதிகாரம் அளிக்கும் மசோதாவுக்கு மக்களவையில் ஒப்புதல் அளிக்கப்பட்டது

பேருந்தில் அராஜகம் செய்த 17 மாணவர்களை தேடிப்பிடித்தது போலீஸ்

chennai-police-arrested-17-police-for-bus-day-celebration

சென்னையில் தடையை மீறி பேருந்து தினம் கொண்டாடிய 17 மாணவர்களை பிடித்து காவல்துறையினர் விசாரித்து வருகின்றனர். 

சென்னை ஷெனாய் நகரில் உள்ள புல்லா அவென்யூ அருகே உள்ள பூங்காவிலிருந்து சென்னை மாநகராட்சி பேருந்தை பச்சையப்பன் கல்லூரி மாணவர்கள் 100க்கும் மேற்பட்டோர் ஒன்று கூடி அலங்காரம் செய்தனர். தொடர்ந்து 50க்கும் மேற்பட்ட மாணவர்கள் பேருந்தின் மேற்கூரையில் நின்று கூச்சலிட்டவாறும், படியில் தொங்கிக்கொண்டும் வந்தனர். 

இதனால் புல்லா அவென்யூ சாலையில் போக்குவரத்து தடை ஏற்பட்டது. நிகழ்விடத்திற்கு காவல்துறையினர் வருவதைக் கண்ட மாணவர்கள் தப்பியோடினர். அதேபோல், ராயப்பேட்டையில் பிராட்வே - மந்தைவெளி இடையேயான 21 பேருந்திலும் ‘பஸ் டே’ கொண்டாடப்பட்டது. 

படிகளில் தொங்கியடியும், மேற்கூரையில் ஏறியும் மாணவர்கள் சிலர் ஆட்டமாடினர். நியூ ஆவடி ரோடு, கீழ்ப்பாக்கம் ஆர்.டி.ஓ பஸ் நிலையத்தில் பேருந்து தினம் கொண்டாடுவதற்காக பேனருடன் தயார் நிலையில் நின்றுகொண்டிருந்த 4 மாணவர்களை பிடித்த காவல்துறையினர் விசாரணை மேற்கொண்டு வருகின்றனர். 

இவ்வாறு மொத்தம் 17 மாணவர்களை பிடித்து காவல்துறையினரால் விசாரிக்கப்பட்டு வருகின்றனர். பேருந்து தினம் கொண்டாட தடை உள்ள நிலையில், தனிப்படை அமைத்து காவல்துறையினர் கண்காணிப்பு பணியில் ஈடுபட்டு வருகின்றனர். 
 

Advertisement:
இது தொடர்பான செய்திகள் :
Advertisement:
Advertisement:
[X] Close