[X] Close
JUST IN
  • BREAKING-NEWS தமிழகத்தில் இன்றும் கனமழைக்கு வாய்ப்பு
  • BREAKING-NEWS நள்ளிரவில் அனந்தசரஸ் குளத்தில் வைக்கப்பட்டது அத்திவரதர் சிலை..!
  • BREAKING-NEWS சந்திரயான்-2 விண்கலம் செப்.7 ஆம் தேதி நிலவில் தரையிறங்குகிறது - இஸ்ரோ
  • BREAKING-NEWS கர்நாடக அணைகளில் இருந்து காவிரியில் உபரிநீர் திறப்பு வினாடிக்கு 34,000 கன அடியாக அதிகரிப்பு
  • BREAKING-NEWS தமிழகத்தில் ஆவின் பால் விலை லிட்டருக்கு ரூ.6 உயர்வு - தமிழக அரசு

தங்கையை கத்தியால் குத்திக் கொலை செய்த சகோதரர்

brother-killed-his-sister-near-trichy

திருச்சியில் பொறியியல் கல்லூரி மாணவி ஒருவர், தனது சகோதரராலேயே கத்தியால் குத்தி கொடூரமாகக் கொல்லப்பட்டுள்ளார்.

திருச்சி மாவட்டம் உறையூர் அண்டக்கொண்டானைச் சேர்ந்த ஐயப்பன் என்பவரின் மகள் மலர்விழி மீரா. இவர் திருச்சி - புதுக்கோட்டை சாலையில் உள்ள தனியார் பொறியியல் கல்லூரியில் மூன்றாம் ஆண்டு பயின்று வந்தார். வழக்கம்போல நேற்று கல்லூரி முடிந்து வீடு திரும்பினார் மலர்விழி. குடியிருப்புகளின் மத்தியில் நடந்து வந்தபோது, மலர்விழியின் பெரியப்பா மகனான முரளி திடீரென வழிமறித்ததாக கூறப்படுகிறது.

பின்னர் தான் வைத்திருந்த கத்தியால், மாணவியை சரமாரியாக குத்தியுள்ளார் முரளி. இதில் ரத்தவெள்ளத்தில் சரிந்த மலர்விழி, நிகழ்விடத்திலேயே உயிரிழந்தார். இதனிடையே, மலர்விழியை கத்தியால் குத்திய முரளியை சூழ்ந்து கொண்ட மக்கள், அவரைத் தாக்கியுள்ளனர். இதில் படுகாயமுற்ற முரளி திருச்சி அரசுப் பொதுமருத்துவமனையில் சேர்க்கப்பட்டுள்ளார். முன்விரோதம் காரணமாக இந்தக் கொலை நடந்திருக்கலாம் என சந்தேகிக்கப்படுகிறது. எனினும் இதுகுறித்து போலீசார் விசாரணை நடத்தி வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close