[X] Close
JUST IN
  • BREAKING-NEWS அத்திவரதரை தரிசிப்பதற்காக வரிசையில் காத்திருந்த பக்தர்களில் 3 பேர் மூச்சுத்திணறல் ஏற்பட்டு உயிரிழப்பு
  • BREAKING-NEWS தேசத் துரோக வழக்கில் வைகோவுக்கு விதிக்கப்பட்ட ஓராண்டு சிறை தண்டனை நிறுத்திவைப்பு
  • BREAKING-NEWS வேலூர் மக்களவை தேர்தலில் மக்கள்நீதிமய்யம் போட்டியிடவில்லை - பொதுச்செயலாளர் அருணாச்சலம்
  • BREAKING-NEWS வேலூரில் அரசு மற்றும் அரசு உதவி பெறும் பள்ளிகளுக்கு ஜூலை 24ஆம் தேதி விடுமுறை; வேலூர் மக்களவை தேர்தலில் பணியாற்றவுள்ள ஆசிரியர்களுக்கு 2ஆம் கட்ட பயிற்சி நடைபெறுகிறது; விடுமுறையை ஈடுசெய்யும் வகையில் வரும் 20ஆம் தேதி பள்ளிகள் இயங்கும் - மாவட்ட ஆட்சியர்
  • BREAKING-NEWS 7 பேர் விடுதலை விவகாரம்: நளினி தொடர்ந்த வழக்கு தள்ளுபடி
  • BREAKING-NEWS சென்னை தனியார் மருத்துவமனையில் சிகிச்சை பெற்றுவந்த சரவணபவன் அதிபர் ராஜகோபால் காலமானார்

மாணவர்களை விரட்டிக்கடித்த குரங்கு : பள்ளிக்கு அரைநாள் ‘லீவ்’

monkey-attack-school-students-in-kanchipuram

மேல்மருவத்தூர் அருகே அரசுப் பள்ளியில் குரங்கு ஒன்று புகுந்து மாணவர்களை கடித்ததால் அரை நாள் பள்ளிக்கு விடுமுறை விடப்பட்டது.

காஞ்சிபுரம் மாவட்டம் மேல்மருவத்தூர் அருகே உள்ள சோத்துப்பாக்கத்தில் அரசினர் மேல்நிலைப்பள்ளி ஒன்று செயல்பட்டு வருகிறது. இந்தப் பள்ளியில் ஏராளமான மாணவர்கள் படித்து வருகின்றனர். பள்ளி வழக்கம்போல நேற்று இயங்கிக் கொண்டிருந்தது. பிற்பகல் மூன்று மணியளவில் பள்ளி வளாகத்திற்குள் குரங்கு ஒன்று புகுந்தது. மரத்தின் மேல் நின்றுகொண்டிருந்த குரங்கை மாணவர்கள் வியப்புடன் கண்டுகொண்டிருந்தனர். 

அப்போது சிவப்பு நிறம் கலந்த பள்ளி சீருடையை அணிந்திருந்த மாணவர்கள் மீது திடீரென வெறி பிடித்தது போல அக்குரங்கு பாய்ந்தது. அத்துடன் இரண்டு மாணவர்களையும் கடித்துவிட்டது. இதனால் மாணவர்கள் அங்கிருந்து அலறி ஓடினர். பின்னர் அரை மணி நேரத்தில் மாணவர்கள் பள்ளி நேரம் முடிந்து வீட்டிற்கு சென்றுவிட்டனர். 

இன்று மீண்டும் வழக்கம் போல பள்ளி நடைபெற்றுக்கொண்டிருக்க, காலை சுமார் 11.30 மணியளவில் மீண்டும் பள்ளிக்குள் புகுந்து மாணவர்களை விரட்டியுள்ளது. பயந்து ஓடிய மாணவர்கள் ஆசிரியர்களிடம் கூற, அவர்கள் வனத்துறைக்கு தகவல் தெரிவித்துள்ளனர். 

பள்ளிக்கு வந்த வனத்துறையினர் குரங்கை பிடிக்க வலை விரித்துள்ளனர். மேலும், குரங்கை பிடிக்கும் போது கோபத்தில் குரங்கு மாணவர்களை தாக்கி அசம்பாவிதம் நடக்க வாய்ப்புள்ளதாக அறிவுறுத்தியுள்ளனர். இதனால் ஆசிரியர்கள் பள்ளிக்கு அரை நாள் விடுமுறை விட்டனர். பின்னர் குரங்கை மடக்கிய வனத்துறையினர், அதை லாவகமாக பிடித்து வனப்பகுதிக்குள் கொண்டு சென்றுவிட்டனர்.

Advertisement:
இது தொடர்பான செய்திகள் :
Advertisement:
Advertisement:
[X] Close