[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

ஐ.எஸ். இயக்கத்துடன் தொடர்பில் இருந்ததாக கோவை நபர் கைது

nia-police-arrested-main-accused-of-isis-tie-up-gang-in-covai

இலங்கை தாக்குதலுடன் தொடர்புடையவர்களுடன் செய்திகளை பரிமாறியதாக எழுந்த குற்றச்சாட்டில் முக்கிய குற்றவாளி முகமத் ஹசாருதீன் கைது செய்யப்பட்டார். 

இலங்கை தாக்குதல் சம்பவம் தொடர்பாக கோவையில் என்.ஐ.ஏ. அதிகாரிகள் 7 இடங்களில் சோதனை நடத்தினர். இந்தச் சோதனையில், செல்போன்கள், பென் டிரைவ்கள் உள்ளிட்டவற்றை அதிகாரிகள் பறிமுதல் செய்தனர். தாக்குதல் சம்பவம் குறித்து சிலரிடம் விசாரணை மேற்கொண்டனர்.

இலங்கை தாக்குதலில் தொடர்புடையவர்களுடன் தமிழகத்தைச் சேர்ந்தவர்கள் தகவல்களை பரிமாறியதாக என்.ஐ.ஏ.தரப்பில் தகவல் வெளியாகியது. கோவையைச் சேர்ந்த அசாருதீன், இலங்கை குண்டுவெடிப்பில் மூளையாக செயல்பட்டவருடன் தொடர்பு வைத்திருந்தார் என என்.ஐ.ஏ தரப்பில் கூறப்பட்டது. முகமது அசாருதீன் உள்ளிட்ட 6 பேர் மீது வழக்குப் பதிவு செய்யப்பட்டது. ஐ.எஸ். இயக்கத்துடன் தொடர்புடைய கலிஃபா ஜி.எப்.எக்ஸ் என்ற குழுவை தமிழக இளைஞர்கள் நடத்தி வந்ததாகவும் என்.ஐ.ஏ தரப்பில் தெரிவிக்கப்பட்டது. 

இந்நிலையில் தொடர் விசாரணைக்கு பின்னர் ஐ.எஸ் இயக்கத்துடன் தொடர்புடையவர்களில் முக்கிய குற்றவாளியாக கருதப்படும் முகமத் ஹசாருதீன் கைது செய்யப்பட்டுள்ளார். அவரை என்.ஐ.ஏ சிறப்பு நீதிமன்றத்தில் ஆஜர்படுத்த அதிகாரிகள் முடிவு செய்துள்ளனர். முன்னதாக, இலங்கையில் தேவாலயங்கள் மற்றும் நட்சத்திர விடுதிகளை குறிவைத்து ஐஎஸ் தீவிரவாதிகள் நடத்திய கொடூரமான தாக்குதலில் 300 பேர் கொல்லப்பட்டது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close