[X] Close
JUST IN
  • BREAKING-NEWS தமிழகத்தின் 3 இடங்கள் உட்பட நாட்டின் 32 இடங்களில் ஹைட்ரோ கார்பன் எடுக்கும் திட்டத்திற்கு ஒப்பந்தம்
  • BREAKING-NEWS கொடைக்கானலில் ரூ.20 கோடியில் அடுக்குமாடி வாகன நிறுத்துமிடம் அமைக்கப்படும் அரசு போக்குவரத்துக் கழகங்களில் சோதனை முறையில் பொது இயக்கப்பயண அட்டை அறிமுகப்படுத்தப்படும் - போக்குவரத்துத்துறையில் புதிய அறிவிப்புகளை பேரவையில் அமைச்சர் எம்.ஆர். விஜயபாஸ்கர் வெளியிட்டார்
  • BREAKING-NEWS தமிழகம், புதுச்சேரியில் குறைந்த காற்றழுத்த தாழ்வு நிலையால் 3 நாட்களுக்கு மழை பெய்யும் - சென்னை வானிலை ஆய்வு மையம்
  • BREAKING-NEWS தமிழ் உள்ளிட்ட அனைத்து பிராந்திய மொழிகளிலும் அஞ்சல் துறை தேர்வுகள் நடத்தப்படும் - மாநிலங்களவையில் ரவிசங்கர் பிரசாத் அறிவிப்பு

மதுரையில் எய்ம்ஸ்: ஜப்பான் குழு ஆய்வு 

the-state-government-has-hand-over-the-land-to-the-aiims-hospital-in-madurai

தமிழகத்தில் எய்ம்ஸ் அமையவுள்ள மதுரை தோப்பூரில் ஜப்பான் நிதிக்குழு மற்றும் மத்திய நிதிக்குழுவினர் ஆய்வு நடத்தினர்.

ஜப்பான் நிதியுதவியுடன் மதுரை தோப்பூரில் எய்ம்ஸ் மருத்துவமனை அமைய உள்ளது. இதற்காக ஜப்பான் நிதிக் குழு மற்றும் மத்திய, மாநில அரசு அதிகாரிகள் கொண்ட குழு தோப்பூரில் மருத்துவமனை அமைய இருக்கும் இடத்தில் ஆய்வு நடத்தியது. எவ்வளவு நிலம் ஒதுக்கப்பட்டுள்ளது, போக்குவரத்து வசதிகள் ஏற்படுத்த முடியுமா என்பவை குறித்து ஜப்பான் குழுவிடம் அதிகாரிகள் விளக்கினர். ஆய்வு முடிந்த நிலையில் ஜப்பான்‌ குழு ஆலோசனை நடத்தி இதற்‌கான நிதியை ஒதுக்கவுள்ளது. நிதி ஒதுக்கப்பட்ட உடன் கட்டுமானப் பணிகள் தொடங்கும் என தெரிவிக்கப்பட்டுள்ளது.

Image result for aiims madurai

மேலும் 4 வருடங்களில் பல கட்டங்களாக எய்ம்ஸ் மருத்துவமனை கட்டி‌ முடிக்‌கப்படும் எனத் தெரிவித்துள்ள அதிகாரிகள், தற்போதைக்கு சுற்றுசுவர் கட்ட 15 கோடி ரூபாய் ஒதுக்கி ஒப்பந்தம் தரப்பட்டுள்ளதாகவும் 3 மாதங்களில் அந்தப் பணி நிறைவடையும் என்றும் கூறியுள்ளனர். எய்ம்ஸ் மருத்துவமனைக்கு மாநில அரசு நிலம் ஒப்படைக்கவில்லை என தகவல் அறியும் உரிமைச் சட்டத்தில் கேட்கப்பட்ட கேள்விக்கு மத்திய அ‌ரசு பதில் அளித்திருந்தது. இதுதொடர்பான செய்தி புதிய தலைமுறையில் ஒளிபரப்பானது. இதனையடுத்து 220 ஏக்கர் நிலத்தை ஒப்படைத்திருப்பதாக சுகாதாரத் துறை அமைச்சர் விஜயபாஸ்கர் விளக்கம் அளித்திருந்தார். இந்தச் சூழலில் எய்ம்ஸ் மருத்துவமனை அமையும்‌ இடத்தில் ஆய்வு நடத்தப்பட்டுள்ளது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close