[X] Close
JUST IN
  • BREAKING-NEWS அத்திவரதரை தரிசிப்பதற்காக வரிசையில் காத்திருந்த பக்தர்களில் 3 பேர் மூச்சுத்திணறல் ஏற்பட்டு உயிரிழப்பு
  • BREAKING-NEWS தேசத் துரோக வழக்கில் வைகோவுக்கு விதிக்கப்பட்ட ஓராண்டு சிறை தண்டனை நிறுத்திவைப்பு
  • BREAKING-NEWS வேலூர் மக்களவை தேர்தலில் மக்கள்நீதிமய்யம் போட்டியிடவில்லை - பொதுச்செயலாளர் அருணாச்சலம்
  • BREAKING-NEWS வேலூரில் அரசு மற்றும் அரசு உதவி பெறும் பள்ளிகளுக்கு ஜூலை 24ஆம் தேதி விடுமுறை; வேலூர் மக்களவை தேர்தலில் பணியாற்றவுள்ள ஆசிரியர்களுக்கு 2ஆம் கட்ட பயிற்சி நடைபெறுகிறது; விடுமுறையை ஈடுசெய்யும் வகையில் வரும் 20ஆம் தேதி பள்ளிகள் இயங்கும் - மாவட்ட ஆட்சியர்
  • BREAKING-NEWS 7 பேர் விடுதலை விவகாரம்: நளினி தொடர்ந்த வழக்கு தள்ளுபடி
  • BREAKING-NEWS சென்னை தனியார் மருத்துவமனையில் சிகிச்சை பெற்றுவந்த சரவணபவன் அதிபர் ராஜகோபால் காலமானார்

குடித்துவிட்டு தகராறு செய்து ஒருவரை கொன்ற ரவுடி : போலீஸ் அலட்சியம் ?

rowdy-killed-a-man-in-nagai-police-careless-reason-for-murder

சீர்காழி அருகே குடிபோதையில் தகராறு செய்த ரவுடி, ஒருவரை கொலை செய்துள்ளார்.

நாகை மாவட்டம் சீர்காழி அருகே கொள்ளிடம், பரவங்காட்டை சேர்ந்தவர் நடராஜமணி (40). இவர் சென்னையில் டிரைவராக பணியாற்றி வந்தார். நேற்று விடுப்பில் ஊருக்கு வந்துள்ள நிலையில், இரவு நடராஜமணியிடம் அதே பகுதியை சேர்ந்த ரவுடி கார்த்திக் (36) என்பவர் குடிபோதையில் தகராறு செய்துள்ளார். அதனை தடுக்க வந்த நடராஜமணியின் தாயார் தனத்தை ரவுடி கார்த்தி  பிடித்து தள்ளியுள்ளார். இதில் காயமடைந்த தனம் சீர்காழி அரசு மருத்துவமனையில் சிகிச்சைக்கு அனுமதிக்கப்பட்டார். 

(கறுப்பு சட்டை : கார்த்திக் மற்றும் அவரது நண்பர்)

இதுகுறித்து கொள்ளிடம் காவல்துறையினரிடம் நேற்று இரவே நடராஜமணியின் உறவினர்கள் புகார் அளித்த நிலையில், காவல்துறையினர் நடவடிக்கை எடுக்காமல் அலட்சியம் செய்ததாக கூறப்படுகிறது. இந்நிலையில் இன்று காலை மருத்துவமனையில் உள்ள தனது தாயை பார்க்க நடராஜமணி வீட்டில் இருந்து புறப்பட்டார். அப்போது, ரயில் நிலையம் அருகே மறைந்திருந்த ரவுடி கார்த்திக் மற்றும் அவரது நண்பன் சத்தியா (35) ஆகிய இருவரும் நடராஜமணியை அரிவாளால் வெட்டிவிட்டு தப்பியோடினர். இதில் பலத்த காயமடைந்த நடராஜமணி சம்பவ இடத்திலேயே துடிதுடித்து பரிதாபமாக உயிரிழந்தார். 

தகவலறிந்த கொள்ளிடம் காவல்துறையினர் விரைந்து வந்து நடராஜமணியின் உடலை கைப்பற்றி பிரேத பரிசோதணைக்காக சீர்காழி அரசு மருத்துவமனைக்கு அனுப்பி வைத்தனர். அத்துடன், கொலை தொடர்பாக வழக்கு பதிந்து ரவுடி கார்த்திக் மற்றும் சத்தியா ஆகியோரை கைது செய்து விசாரித்து வருகின்றனர். இச்சம்பவம் குறித்து நாகை மாவட்ட காவல் கண்காணிப்பாளர் விஜயக்குமார் நேரில் விசாரணை நடத்தினார். நடராஜமணி கொலை செய்யப்பட்டதால் அங்கு அசம்பாவிதம் ஏற்படாமல் தடுக்க சீர்காழி டிஎஸ்பி வந்தனா தலைமையில் போலீசார் பாதுகாப்பு பணியில் ஈடுபட்டுள்ளனர். நேற்று புகார் அளித்த போதே ரவுடி கார்த்தி மீது காவல்துறையினர் நடவடிக்கை எடுத்திருந்தால், இன்று நடராஜமணி உயிர் போயிருக்காது என உறவினர்கள் குற்றம்சாட்டுகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close