[X] Close
JUST IN
  • BREAKING-NEWS தமிழகம், புதுச்சேரியில் குறைந்த காற்றழுத்த தாழ்வு நிலையால் 3 நாட்களுக்கு மழை பெய்யும் - சென்னை வானிலை ஆய்வு மையம்
  • BREAKING-NEWS தமிழகத்தில் 3 இடங்களில் ஹைட்ரோகார்பன் எடுக்க இன்று மாலை ஒப்பந்தம் கையெழுத்தாகிறது டெல்லி தனியார் ஓட்டலில் ஓஎன்ஜிசி நிறுவனத்துக்கு அனுமதி வழங்குகிறார் அமைச்சர் தர்மேந்திர பிரதான்
  • BREAKING-NEWS தமிழ் உள்ளிட்ட அனைத்து பிராந்திய மொழிகளிலும் அஞ்சல் துறை தேர்வுகள் நடத்தப்படும் - மாநிலங்களவையில் ரவிசங்கர் பிரசாத் அறிவிப்பு
  • BREAKING-NEWS அறிமுகமானது முறைப்படுத்தப்பட்ட வாடகைத் தாய் மசோதா
  • BREAKING-NEWS தனியார் மருத்துவமனைக்கு ராஜகோபாலை மாற்ற நீதிமன்றம் அனுமதி

அதிமுகவில் ஒற்றைத் தலைமை: ராஜன் செல்லப்பா கருத்துக்கு குன்னம் எம்.எல்.ஏ ஆதரவு!

aiadmk-dual-leadership-issue-one-more-mla-support-rajan-chellappa-s-demand

அதிமுகவில் ஒற்றைத் தலைமை வேண்டும் என்ற மதுரை வடக்குத் தொகுதி எம்.எல்.ஏ, ராஜன் செல்லாப்பாவின் கோரிக்கைக்கு  அதிமுக பெரம்பலூர் மாவட்டச் செயலாளரும் குன்னம் தொகுதி எம்.எல்.ஏவுமான ராமச்சந்திரன் ஆதரவு தெரிவித்துள்ளார். 

’’அதிமுகவுக்கு ஒரே தலைமைத் தேவை. இரட்டை தலைமையால் அதிமுகவுக்கு பின்னடைவு ஏற்பட்டுள்ளது. ஒருவர் தலைமையில் கட்டுப்பாட்டுடன் கட்சியையும் ஆட்சியையும் கொண்டுசெல்ல வேண்டும். பொதுக்குழுவை கூட்டி பொதுச்செயலாளரை தேர்ந்தெடுக்க வேண்டும். ஜெயலலிதாவால் அதிகம் அடையாளம் காணப்பட்டவர் தலைமை ஏற்க வேண்டும். தினகரன் என்ற மாயை முடிந்துவிட்டது. இரட்டை தலைமை இருப்பதால் உடனுக்குடன் முடிவு எடுக்க முடியவில்லை என்பதை கண்கூடாகப் பார்க்கிறோம்’’ என்று மதுரை வடக்கு தொகுதி அதிமுக எம்.எல்.ஏ ராஜன் செல்லப்பா செய்தியாளர்களிடம் நேற்று தெரிவித்திருந்தார். 

அதிமுகவில் ஓ.பன்னீர் செல்வம், எடப்பாடி பழனிசாமி என்று இரண்டு தலைமை இருக்கும் நிலையில், ராஜன் செல்லப்பா கூறிய இந்த கருத்து திடீர் பரபரப்பை ஏற்படுத்தியது. இந்நிலையில், ராஜன் செல்லப்பாவின் கருத்தை வரவேற்பதாக அதிமுக முன்னாள் எம்.பி, கே.சி.பழனிசாமி தெரிவித்துள்ளார். அதிமுக பெரம்பலூர் மாவட்டச் செயலாளரும் குன்னம் எம்.எல்.ஏவுமான, ஆர்.டி. ராமச்சந்திரனும் ராஜன் செல்லப்பா கருத்துக்கு இன்று ஆதரவு தெரிவித்துள்ளார்.

இது தொடர்பாக புதிய தலைமுறை தொலைக்காட்சிக்கு அவர் அளித்த பேட்டியில், ‘’ ஒற்றைத் தலைமை வேண்டும் என்கிற கருத்தை வரவேற்கிறேன். அதிமுகவில் குழப்பத்தை, உட்கட்சிப் பூசலை ஏற்படுத்த வேண்டும் என்று இதை சொல்லவில்லை. தொண்டர்களின் வருத்தத்தைதான் பதிவு செய்கிறேன். தர்மயுத்தம் நடத்திய ஓ. பன்னீர்செல்வம் தனது மகனுக்கு பதவி கேட்டதாக வரும் தகவல் வருத்தத்தை அளிக்கிறது.

(ஆர்.டி. ராமச்சந்திரன்)

அதிமுகவில் குடும்ப அரசியலை கொண்டு வருவது குறித்து தொண்டர்கள் கவலை படுகிறார்கள். பொதுக்குழுவில் இதுபற்றி அதிமுக நிர்வாகி கள் எடுத்துச் செல்ல உள்ளோம். அதிமுக அரசுக்கு ஒரு போதும் எம்எல்ஏக்கள் துரோகம் செய்ய மாட்டார்கள். அதிமுக கட்டுக்கோப்பாக இருக்கி றதா என்பதில் கேள்வி எழுந்துள்ளது உண்மை. வெளிப்படையாக ஊடகத்தில் எம்எல்ஏக்கள் பேச வேண்டிய நிலையே கட்டுக்கோப்பின்மை தான். கட்சி ஒற்றுமையாக இருக்கிறது. ஆனால், தலைவர்களுக்குள் கருத்துவேறுபாடு இருப்பதாக உணர்கிறோம். இரட்டை தலைமையில் ஈகோ இருப்பதாக நினைக்கிறேன். அதனால் தான் ஒற்றைத் தலைமை வேண்டும் என்று கேட்கிறோம்’’ என்று தெரிவித்துள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close